మానవ జీవితము ఎలాంటిది

మానవ జీవితము ఎలాంటిది

🎯🎯🎯🎯🎯🎯🎯🎯

🎯1. యుద్ధ దినముల వంటిది

యోబు 7: 1

భూమి మీద నరుల కాలము యుద్ధకాలము కాదా? వారి దినములు కూలివాని దినముల వంటివి కావా? 

🎯2. అడవి పువ్వు వంటిది

కీర్తనలు 103: 15

నరుని ఆయువు గడ్డివలె నున్నది అడవి పువ్వు పూయునట్లు వాడు పూయును. 

🎯3. నీటి ఆవిరి వంటిది

యాకోబు 4: 14

రేపేమి సంభవించునో మీకు తెలియదు. మీ జీవమేపాటిది? మీరు కొంతసేపు కనబడి అంతలో మాయమైపోవు ఆవిరి వంటివారే. 

🎯4. గడ్డి వంటిది

యెషయా 40: 6

ఆలకించుడి, ప్రకటించుమని యొకడు ఆజ్ఞ ఇచ్చు చున్నాడు నేనేమి ప్రకటింతునని మరి యొకడడుగుచున్నాడు. సర్వశరీరులు గడ్డియై యున్నారు వారి అందమంతయు అడవిపువ్వువలె ఉన్నది 

🎯5. త్రాసు మీది ధూళి వంటిది

యెషయా 40: 15

జనములు చేదనుండి జారు బిందువులవంటివి జనులు త్రాసుమీది ధూళివంటివారు ద్వీపములు గాలికి ఎగురు సూక్ష్మ రేణువులవలె నున్నవి. 

🎯6. చేదనుండి జారు బిందువుల వంటిది

యెషయా 40: 15

జనములు చేదనుండి జారు బిందువులవంటివి జనులు త్రాసుమీది ధూళివంటివారు ద్వీపములు గాలికి ఎగురు సూక్ష్మ రేణువులవలె నున్నవి. 

🎯7. పరుగెత్తు వాని దినముల వంటిది

యోబు 9: 25

పరుగు మీద పోవువాని కంటె నా దినములు త్వరగా గతించుచున్నవి క్షేమము లేకయే అవి గతించి పోవుచున్నవి. 

🎯8. పొగ ఎగిరిపోవునట్లున్నది

కీర్తనలు 102: 3

పొగ యెగిరిపోవునట్లుగా నా దినములు తరిగిపోవుచున్నవి పొయిలోనిది కాలిపోయినట్లు నా యెముకలు కాలి పోయి యున్నవి. 

🎯9. నేతిగాని నాడె వంటిది

యోబు 7: 6

నా దినములు నేతగాని నాడెకంటెను వడిగా గతించు చున్నవి నిరీక్షణ లేక అవి క్షయమై పోవుచున్నవి. 

🎯10. నీడ వంటిది.

యోబు 8: 8

మనము నిన్నటివారమే, మనకు ఏమియు తెలియదు భూమి మీద మన దినములు నీడవలె నున్నవి. 

🎯11. ఊపిరి వంటిది

కీర్తనలు 39: 11

దోషములనుబట్టి నీవు మనుష్యులను గద్దింపులతో శిక్షించునప్పుడు చిమ్మట కొట్టిన వస్త్రమువలె నీవు వారి అందము చెడగొట్టెదవు నరులందరు వట్టి ఊపిరివంటివారు. 

🎯12. ఓటికుండ వంటిది

కీర్తనలు 31: 12

మరణమై స్మరణకు రాకున్న వానివలె మరువబడితిని ఓటికుండవంటి వాడనైతిని. 

🎯13. పురుగు వంటిది

యోబు 25: 6

మరి నిశ్చయముగా పురుగువంటి మనుష్యుడు పురుగువంటి నరుడు ఆయన దృష్టికి పవిత్రుడు కానేరడు గదా. 

🎯14. కల వంటిది

యోబు 20: 8

కల యెగసిపోవునట్లు వారు గతించి కనబడక పోవుదురు రాత్రి స్వప్నము దాటిపోవునట్లు వారు తరిమి వేయబడుదురు. 

🎯15. గొర్రేల కాపరి గుడిసె వంటిది

యెషయా 38: 12

నా నివాసము పెరికివేయబడెను గొఱ్ఱెలకాపరి గుడిసెవలె అది నాయొద్దనుండి ఎత్తి కొని పోబడెను. నేయువాడు తన పని చుట్టుకొనునట్లు నేను నా జీవము ముగించుచున్నాను ఆయన నన్ను బద్దెనుండి కత్తిరించుచున్నాడు ఒక దినములోగా నీవు నన్ను సమాప్తిచేయుచున్నావు. 

🎯16. ఒలికిన నీళ్ల వంటిది

2సమూయేలు 14: 14

మనమందరమును చనిపోదుము గదా, నేలను ఒలికినమీదట మరల ఎత్తలేని నీటివలె ఉన్నాము; దేవుడు ప్రాణముతీయక తోలివేయబడిన వాడు తనకు దూరస్థుడు కాకయుండుటకు సాధనములు కల్పించుచున్నాడు.