క్రైస్తవ సహోదరులారా ఒక్కసారి ఆలోచించండి...

*క్రైస్తవ సహోదరులారా ఒక్కసారి ఆలోచించండి...🙏🙏🙏*

తల్లి తనకు పుట్టిన బిడ్డకు పాలు ఇచ్చి పెంచుతూ ఉంటుంది.

ఆ బిడ్డ అవసరాలు, ఆలనా, పాలనా అన్ని చూసుకుంటుంది....

*ఆ అమ్మకు మరొక బిడ్డ పుట్టాకా మొదట పుట్టిన బిడ్డకు పాలు ఇవ్వడం తగ్గించి, అన్నం పెట్టడం ప్రారంభించి మరొక బిడ్డకు పాలు ఇవ్వడం మొదలుపెడుతుంది....*

అంత మాత్రానా మొదట పుట్టిన బిడ్డ మీద అమ్మకు ప్రేమ తగినట్టా??

*కాదు ఆ బిడ్డకు పాలు విడిచి అన్నము తినే వయస్సు వచ్చింది కాబట్టి తనకు ఆహారం పెట్టి, చిన్న బిడ్డకు పాలు ఇస్తుంది... చిన్న బిడ్డ మీద కొంచెం సమయం ఎక్కువ కేటాయిస్తుంది..*

అది అమ్మ ధర్మము....

*అలాగే క్రీస్తులోకి మనము క్రొత్తగా వచ్చినప్పుడు చంటిపిల్లలము కాబట్టి దైవ సేవకుడు మన మీద ఎక్కువ ప్రేమ, శ్రద్ధ చూపి, ఎక్కువగా మనకు సమయాన్ని ఇస్తూ వుంటారు...*

 కొద్ది కాలం గడిచినప్పటికి మనకి కొంచెం వయస్సు వస్తుంది అనగా....

*వాక్య జ్ఞానము, దేవునిలో లోతు తెలుస్తాయి.*

అప్పుడు దైవ సేవకుడు మనకు కొంచెం సమయము తగ్గించి *క్రొత్తగా వచ్చిన మరొక విశ్వాసులపై ప్రేమను, శ్రద్ధను చూపుతారు ఎందుకంటే వారు దేవునిలో చంటిబిడ్డలు కాబట్టి...*

అంత మాత్రానా సేవకునికి నీమీద ప్రేమ తగ్గింది అనటం న్యాయమా??

*దేవునిలో మనకు కొంచెం అనుభవం వచ్చింది కాబట్టి దైవ సేవకుడు క్రొత్త విశ్వాసులను బలపర్చడానికి ఎక్కువ సమయం కేటాయిస్తారు.*

అది చూసిన మనము అదిగో పాస్టర్ గారికి ముందొచ్చిన నాకంటే నిన్న మొన్న వచ్చిన వాళ్ళమీదే ప్రేమ ఎక్కువ అయిపోయింది.

*మా ఇంటికి రావడం తగ్గించేశారు, నాతో సరిగ్గా మాట్లాడటం లేదు, నన్ను సరిగ్గా పట్టించుకోవటం లేదు.*

పాస్టర్ గారు పిలిచినా రావటం లేదు. మారిపోయారు.

అని కొంతమంది విశ్వాసులు అనుకుంటారు, సన్నిధికి రావటం మానేస్తారు... అలా చేయటం న్యాయమా??

*ప్లీజ్ అలా ఎవరు అనుకోవద్దు.*

*పాస్టర్ గారు ఎప్పుడూ నీతోను, నాతోను ఉంటే మిగిలిన ఆత్మలను ఎలా రక్షించగలరు?*

నశించిపోతున్న ఆత్మలను దేవునిలోకి ఎలా నడిపించగలరు?

ఒక్కసారి ఆలోచించండి.

*ఎప్పుడూ దేవునిలో మనం చంటిబిడ్డలముగా ఉండిపోదామా??*

వయస్సులోకి రావొద్దా??

*వయస్సు వచ్చిన బిడ్డ తన తల్లిదండ్రులకు తోడుగా, సహకరిగా ఉంటే ఆ కుటుంబం వర్ధిల్లుతుంది.*

అలాగే మనము కూడా సేవకునికి సహకారులముగా ఉంటే దేవుని కుటుంబం (సంఘం) అభివృద్ధి అవుతుంది.

*ప్లీజ్ అందరూ ఒక్కసారి మనస్సు పెట్టి ఆలోచించండి....*🙏

*సేవకునికి సహకారులముగా ఉండాలి కానీ ఆయనపై లేనిపోని అపోహలు పెంచుకుంటూ దేవునికి, దేవ రాజ్యానికి దూరం అవ్వకండి.*

క్రొత్త వారు సంఘంలోకి వస్తే వారిని ప్రేమిద్దాము, వారితో సహవాసం చేద్దాము, బలపర్చుదాము, ఐక్యతను పెంచుకుందాము...

*దేవుని రాజ్య విస్తరణకు మూల స్థంబాలుగా మారదాము...*

తప్పుగా మాట్లాడి ఉంటే క్షమించండి.

*కానీ దేవునికి, దైవ సేవకునికి సహకారులుగా ఉండండి.*

మీ అందరికి నా ప్రేమపూర్వకపు విన్నపము, విజ్ఞాపణ🙏🙏🙏

1కొరింథీయులకు 14:20

*సహోదరులారా, మీరు బుద్ధివిషయమై పసిపిల్లలు కాక, బుద్ధి విషయమై పెద్దవారలైయుండుడి.*

ఎఫెసీయులకు 4:14

*అందువలన మనమిక మీదట పసిపిల్లలమై యుండి, మనుష్యుల మాయో పాయములచేత* *వంచనతోను, తప్పు మార్గమునకు లాగు కుయుక్తితోను, గాలికి కొట్టుకొనిపోవునట్లు, కల్పింపబడిన ప్రతి ఉపదేశమునకు ఇటు అటు కొట్టుకొనిపోవుచు అలల చేత* *ఎగురగొట్టబడినవారమైనట్లుండక,*

*ప్రేమగలిగి సత్యము చెప్పుచు క్రీస్తువలె ఉండుటకు, మనమన్ని విషయములలో ""ఎదుగుదము.""*

1యోహాను 3:10

*దీనినిబట్టి దేవుని పిల్లలెవరో అపవాది పిల్లలెవరో తేటపడును. నీతిని జరిగించని ప్రతివాడును, తన సహోదరుని ప్రేమింపని ప్రతివాడును దేవుని సంబంధులు కారు.*

మన జీవితము, మాదిరి ద్వారా *మన దేవాది దేవునికి మాత్రమే మహిమ కలుగును గాక!!!!*👏👏👏

గమనిక::

*మన ప్రభుని రాకడ అతి సమీపముగా ఉంది. ఎవరు నిర్లక్ష్యంగా ఉండకండి.*

మన లక్ష్యము ఆయన రాకడలో ఎగిరివెళ్లిపోవటమే.....