క్రైస్తవ్యము వలన హాని లేదు

*క్రైస్తవ్యము వలన హాని లేదు*

నిరపాయ పత్రిక...

*ప్రభువునందు ప్రియులారా!*

*ఎవరినైనా తృణీకరింపకుండుట గొప్ప అంతస్థు.*

ఏ మతమునైనను, ఏ మనిషినైనను దూషించుట, ద్వేషించుట మా మతములోనికి వచ్చి తీరవలెనని బలవంత పెట్టుటట, భ్రమపెట్టుట మానవుల దైవమతముకాదు.

*1) దేవదూతలను, ఆకాశమును, భూమిని మనుష్యులను కలుగజేసిన సృష్టికర్తయైన దేవుని మాత్రమే ఆరాధింపవలెననియు, ప్రార్థింపవలెననియు  క్రీస్తుమతములో నున్నది. కనుక హానిలేదు.*

2. ఎవరి మీదగాని, దేనిమీదగాని ఉండవలసిన ప్రేమకన్న

దేవునిమీదనే యెక్కువ ప్రేమయుండవలెనని క్రీస్తు మతములో నున్నది గనుక హానిలేదు.

*3. దేవుని మాత్రమే నమ్మియుండవలెనని క్రీస్తు మతములో నున్నది. గనుక హానిలేదు.*

4.తల్లిదండ్రులను, పెద్దలను, అధికారులను

గౌరవించవలెనని క్రీస్తుమతములో నున్నది. కనుక హానిలేదు.

*5. ఒకరిని కొట్టకూడదనియు, చంపకూడదనియు, చంపుకొకూడదనియు క్రీస్తుమతములో నున్నది. గనుక హానిలేదు.*

6. దేవాలయముయొక్క ఆవరణములోనున్న పశువులను, పక్షులను కొట్టక క్రీస్తు వాటిని బయటకు తోలివేసెను. దీనినిబట్టి చూడగా జీవరాశులను కొట్టకుండుటయు పశ్వాదులకు ఉపకారము చేయుటకు క్రీస్తు మతముయొక్క వాడుకయైయున్నది. కనుక హానిలేదు. 

*7.బీదలకు సహాయము చేయవలెనని క్రీస్తు మతములోనున్నది కనుక హానిలేదు*

8.నిన్నువలె నీ పొరుగు వానిని ప్రేమించుమని క్రీస్తుమతములో నున్నది కనుక హానిలేదు.

*9.శరీరమును యెల్లప్పుడును శుద్ధి చేసుకొనవలెనని క్రీస్తు మతములో నున్నది గనుక హానిలేదు.*

10. స్త్రీ పురుషులలో ఒకరియెడల ఒకరికి శరీర సంబంధమైన దుర్వాంఛకూడదని క్రీస్తుమతములో నున్నది కనుక హానిలేదు.

*11.భార్యాభర్తలు నిత్యమైన ప్రేమ కలిగియుండవలెనని క్రీస్తుమతములో నున్నది కనుక హానిలేదు.*

12.తల్లిదండ్రులు తమ పిల్లలను దైవశిక్షణలోను, బోధలోను, పెంచవలెనని క్రీస్తు మతములో నున్నది కనుక హానిలేదు.

*13. వివాహము అన్ని విషయములలోను ఘనమైనదని క్రీస్తు మతములో నున్నది కనుక హానిలేదు.*

14.దొంగతనము చేయవద్దని క్రీస్తుమతములో

నున్నది. కనుక హానిలేదు. 

*15.ధనా పేక్షలేని మనస్సుగలవారై మీకు కలిగిన వాటితో తృప్తి పొందుడని క్రీస్తు మతములో నున్నది కనుక హానిలేదు.*

16.అబద్ధమాడవద్దని క్రీస్తుమతములో నున్నది. కనుక హానిలేదు.

*17.క్రీస్తుసువార్త ఒక దేశముననే కాక అన్ని దేశములకు అనగా లోకమంతటికిని ప్రకటింపవలెనని క్రీస్తు మతములో నున్నది. కనుక హానిలేదు* (సువార్త అనగా హానిచేయని మంచి సందేశము)

*18. క్రైస్తవమతము ఆచరించవలసిన వాటివలన హానిలేదు.*

అవేవనగా:- 

1) ప్రతి దినము బైబిలు అను థము

చదివి దేవుని చిత్తమును తెలుసుకొనవలెను. 

*2) అనుదినము కుటుంబములోనివారు కూడుకొని దైవ ప్రార్థన చేసుకొనవలెను.*

3) తమ్మును గురించి మాత్రమే కాక లోకవాస్తవ్యులందరిని

గురించియు, అన్ని అంశములను గురించియు దేవుని

ప్రార్థింపవలెను. 

*4)బైబిలు చెప్పుచున్న బోధ ప్రకారము నడుచుకొనుటకు ప్రయత్నింపవలెను.*

5) తమకు తెలిసిన విషయములు యితరులకు చెప్పుచుండవలెను. మరియు తమ అనుభవమును గురించియు ఇతర క్రైస్తవుల అనుభవము

గురించియు ఇతరులకు ప్రకటింపవలెను. 

*6) ఆరాధన దినమున సహక్రైస్తవులతో కలిసి దేవాలయమునకు వెళ్ళవలయును.*

 

7) మతాభివృద్ధి నిమిత్తమును, అక్కరలో ఉన్నవారి నిమిత్తమును చందాలు వేయుచుండవలయును. 

*8) మత విషయములను హెచ్చరించు సమాజములకు వెళ్ళుచుండవలయును.*

 9) దైవభక్తిని వృద్ధిచేసికొనుటకు మంచి మంచి పుస్తకములను, పత్రికలను చదువుచుండవలెను. 

*10) రోగులను, కష్టస్థితులోనున్న వారిని పరామర్శింపవలెను.*

11) శత్రువులను ప్రేమింపవలెను. వారిని దీవించవలెను, వారికొరకు ప్రార్ధించవలెను, వారికి ఉపకారములు చేయవలెను.

 ఇంకా అనేకములున్నవి.

*19.కష్టసుఖములు దేవునికి తెలియజేయుటకై శాంతార్ధమైన ప్రార్థనలు అనుదినము చేయుట క్రైస్తవమత పద్ధతి. కనుక హానిలేదు.*

20) క్రీస్తు ప్రభువు లోకము యొక్క భారము ఎత్తుకొనెను. 

*1) “సమస్తమైన వారలారా! నాయొద్దకు రండి” అని క్రీస్తు అందరిని పిలిచినాడు.*

అలాగే క్రైస్తవ సంఘముకూడ అందరిని తనయొద్దకు రమ్మని పిలుచుచున్నది.

 

*2) శత్రువుల క్షేమము కొరకు క్రీస్తు ప్రార్థించెను.*

అలాగే క్రైస్తవమతముకూడ అందరి క్షేమము కొరకు ప్రార్థించుచున్నది.

*3) క్రీస్తు తన విషయములు అందరికి ప్రకటించవలెనని చెప్పెను.*

అలాగే సంఘము కూడ అందరికి క్రీస్తుబోధ వినిపించుచున్నది.

*4) క్రీస్తు ఉపకార కార్యములు చేసెను.*

 అలాగే క్రైస్తవమతముకూడ ఉపకార కార్యములు చేయుచున్నది. 

ఈ ఉపకార కార్యముల జాబితా అన్ని

దేశములవారికి తెలిసిన విషయమే.

*షరా:- అందరిని పిలుచుటలోను, అందరికొరకు ప్రార్థన చేయుటలోను, అందరికి బోధించుటలోను, అందరికి ఉపకార కార్యము చేయుటలోను, క్రీస్తువలె సంఘముకూడ లోకభార మెత్తుకొని యున్నది. కనుక హానిలేదు.*

21) క్రీస్తునకు గొట్టెపిల్ల అను నొక *బిరుదు గలదు. గొట్టెపిల్ల హాని చేయనిది. క్రీస్తు హాని చేయనివాడు.*

“అతడు దౌర్జన్యమునొందెను బాధింపబడినను అతడు నోరు తెరువలేదు.

*వధకు తేబడు గొట్టెపిల్లయు బొచ్చు కత్తిరించువానియెడట గొట్టెయు మౌనముగా నుండునట్లు అతడు నోరు తెరువలేదు” అని యెషయా ప్రవచించెను* (యెషయా. 53:7).

 క్రీస్తువలెనే ఆయన భక్తులసంఘమగు క్రైస్తవమతమును దౌర్జన్యమనుభవించుచున్నను మౌనముగా నున్నది. అనగా తిరిగి దౌర్జన్యము చేయనిదియై యున్నది. గనుక హానిలేదు.

*22) కొన్ని క్రైస్తవ బోధలవలన ఇతర మతములకు కోపము రాకమానదు అయినను ఆ బోధలు బైబిలునకు అనుగుణ్యముగాను, ఉపకార బుద్ధితోను చెప్పినవిగాను ఉన్నందున హానిలేదు.*

1) విగ్రహారాధన చేయకూడని బైబిలు మిగుల స్పష్టమైన

మాటలతో చెప్పుచున్నది. 

*2) భర్తలు పోయిన స్త్రీలకు వివాహము చేయుట బైబిలు ప్రకారము నిషేదముకాదు.*

 3) బాల్య వివాహము చేయుట బైబిలునకు ప్రతికూలము 

*4) కులము బైబిలునకు ప్రతికూలము.*

5) జన్మాంతర బోధ బైబిలునకు ప్రతికూలము,

*6)మనుష్యులు, జంతువులుగాను, ఇతర కులస్థులుగాను అనేక పర్యాయములు జన్మమెత్తవలెనను ఈ సిద్ధాంతము బైబిలునకుప్రతికూలము.*

7)పాపముచేసిన మనుష్యుడు మరణ సమయమందైనను దేవునియొద్ద పాపమొప్పుకొన్నయెడల వెంటనే క్షమించి మోక్షమునకు చేర్చుకొనుననునది బైబిలు సిద్ధాంతము.

*8) శక్తిపూజ ఏమాత్రమును కూడదని బైబిలు ఖండించుచున్నది*.

9) చనిపోయిన భర్తయొక్క శవముతోపాటు భార్యయు దహనము చేయుట అను మూఢచారమును బైబిలు ఖండించుచున్నది.

ప్రియ చదువరీ!!!

*క్రైస్తవ్యము వలన, క్రైస్తవులన వలన లోకానికి, దేశానికి, సమాజానికి మేలే తప్ప ఎటువంటి హాని లేదు...*

క్రీస్తును విశ్వసించి అనుసరిస్తే మోక్షమునకు సులువుగా వెళ్లగలము...

ఈ మాటలు

*ముంగమూరి దేవదాసు అయ్యగారు వ్రాసిన "నిరపాయ" పత్రిక లోనివి..*