బైబిలులోని ""ఇష్బోషెతు"" గారి క్లుప్త చరిత్ర

*బైబిలులోని ""ఇష్బోషెతు"" గారి క్లుప్త చరిత్ర...*

ఈయన సౌలు గారి కనిష్ఠ కుమారుడు..

*ఇతనికి మరొక పేరు కూడా వుంది*

""ఎష్బయలు""

(1దిన 8:33, 9:39)

*ఈ ఇష్బోషెతు గారి తండ్రి అయిన సౌలు గారు చనిపోయాక దావీదు గారు యూదా ప్రజలపై హెబ్రోనులో రాజుగా పట్టాభిషేకం పొందారు.*

ఈ విషయం తెలుసుకున్న సౌలు గారి సేనాధిపతి అయిన అబ్నేరు గారు ఇష్బోషెతు గారిని మహనయీమునకు తీసుకెళ్లి 

గిలాదు వారిమీద,

ఆషేరీయులమీద,

యెజ్రెయేలుమీద,

ఎఫ్రాయిమియుల మీద,

బెన్యామీనియుల మీద,

ఇశ్రాయేలు వారి మీద రాజుగా పట్టాభిషేకం చేసాడు.

*ఈ అబ్నేరు దావీదు గారి మీద పోటీగా ఈ ఇష్బోషెతు గారిని రాజును చేసాడు..*

ఇష్బోషెతు గారు రాజు అవ్వకపోతే ఇశ్రాయేలీయుల గోత్రములందరి మీద దావీదు గారే రాజు అయ్యేవారు..

*40 సంవత్సరాల వయస్సులో ఇష్బోషెతు గారు రాజయ్యి 2 సంవత్సరాలు పరిపాలించాడు*

(2సమూ 2:1-10)

పేరుకు మాత్రమే ఇష్బోషెతు గారు రాజు కానీ అధికారం, పరిపాలన మొత్తం అబ్నేరు గారిదే..

*అబ్నేరు గారు తన లాభం కోసం, ఆధిక్యత కోసం ఇష్బోషెతు గారిని రాజుని చేసారు*.

అబ్నేరు గారి చేతిలో ఇష్బోషెతు గారు ఒక కీలు బొమ్మ..

*ఇష్బోషెతు గారు రాజు అయ్యాక అబ్నేరు గారు దావీదు గారిపై పలుమార్లు యుద్ధానికి వెళ్ళాడు.*

సౌలు కుటుంబీకులకును, దావీదు కుటుంబీకులకును బహుకాలము యుద్ధము జరగడానికి ఒకరకంగా అబ్నేరు గారే కారణము.

(2సమూ 3:1, 6)

*దేవుని చిత్తము దావీదు గారు ఇశ్రాయేలీయుల గోత్రములందరి మీద రాజు అవ్వాలని కానీ అబ్నేరు గారు ఇష్బోషెతు గారిని రాజుని చేసి దేవుని చిత్తానికి ఇష్బోషెతు గారిని అడ్డంగా పెట్టాడు...*

ఒక మనిషి చేతిలో కీలు బొమ్మ అవ్వడం వలన, ఆ మనిషి చెప్పింది చేయటం వలన ఈ ఇష్బోషెతు గారు దేవుని పనికి, దేవుని ఇష్టానికి అడ్డుగా తయారయ్యాడు.

*ఈరోజుల్లో కూడా చాలామంది క్రైస్తవులు తెలియకుండానే అపవాది ఉచ్చులో పడి అపవాది చేతిలో సాధనాలుగా మారిపోయి దేవుని చిత్తానికి అడ్డుగా నిలబడుతున్నారు.*

నేను మానకుండా మందిరానికి వెళ్తున్నాను, దేవునిలోనే ఉంటున్నాను అని అనుకుంటున్నాము కానీ మనకు తెలియకుండానే చాలా విషయాలలో అపవాది చేతిలో కీలు బొమ్మలు అయిపోయాము.

*దేవుని పని చాలాసార్లు ముందుకు వెళ్లకుండా అడ్డుపడేది కొంతమంది క్రైస్తవులే, సువార్త జరగకుండా ఆపేది కొంతమంది క్రైస్తవులే, దేవుని నామాన్ని అందరిలో దూషింపబడేలా చేసేది కొంతమంది క్రైస్తవులే (ఈ కొంతమంది క్రైస్తవులే అపవాది ఉచ్చులో చిక్కిన కీలు బొమ్మలు)*

దేవుడు తన బిడ్డలకు మంచి మంచి లక్షణాలు, ఆయనకు నచ్చిన సైన్యాన్ని క్రైస్తవునిలో పెట్టారు.

*1.చెడును, అపవాదిని ఎదిరించటానికి ప్రతిఘటన అనే సైనికుణ్ణి,*

2.నిష్కళంకము అను సైనికుణ్ణి,

*3.దృఢ చిత్తము అను సైనికుణ్ణి,*

4.జ్ఞానము అను సైనికుణ్ణి,

*5. మనస్సాక్షి అను సైనికుణ్ణి,*

6.సత్ క్రియలు అను సైనికుణ్ణి,

*7.తగ్గింపు, ఓర్పు అను సైనికుణ్ణి,*

8.సమయాన్ని సద్వినియోగం అను సైనికుణ్ణి,

*9.నైతిక విలువలు, సంస్కారం అను సైనికుల్ని*

10.మంచి మాటలు అను సైనికుణ్ణి

ఇలా అనేకరకాలైన సైనికుల్ని లేక దేవుని లక్షణాలను దేవుడు క్రైస్తవునిలో పెట్టారు.

కానీ

*అపవాది చాలా తెలివిగా క్రైస్తవులను మోసగించి తన ఉచ్చులో వేసుకుని దేవుడు తన బిడ్డలకు ఇచ్చిన సైన్యాన్ని లేక లక్షణాలను ఒక్కొక్కటిగా తీసివేసి వాడి లక్షణాలను లేక సైన్యాన్ని క్రైస్తవునిలో పెడుతున్నాడు.*

1.శరీర వ్యామోహం,

2.సత్య తిరస్కారం,

3.దైవ నిర్లక్ష్యం,

4.పాపిష్టి నోరు,

5.ప్రతీకారం,

6.గర్వము, హెచ్చింపు,

7.మంచిని మరచిపో,

8.అపనమ్మిక,

9.కఠిన హృదయము,

10.త్రాగుడు,

11. జూదము,

12.వ్యభిచారం,

13.నాస్తికత్వము,

14.దైవ ద్వేషము,

15.నిర్దయగా ఉండటం

*ఇలాంటి చెడ్డ లక్షణాలను లేక సైన్యాన్ని క్రైస్తవునిలో పెడుతున్నాడు అపవాది.*

అపవాది ఉచ్చులో పడి, వాడి లక్షణాలను లేక సైన్యాన్ని తనలోకి ఆహ్వానించిన *చాలామంది క్రైస్తవులు దేవునికి వ్యతిరేకంగా జీవిస్తున్నారు, దేవుని పనికి అడ్డు గోడవలె నిలుస్తున్నారు చాలా విచారము.*

రకరకాల చెడు వ్యసనాలకు, చెడ్డ పనులకు బానిసలు అవుతున్నారు చాలా దౌర్భాగ్యము..

*మనలను మనం ప్రతీ రోజు, ప్రతీ ఘడియ పరీక్షించుకుంటూ ఉండాలి నాలో దేవుని లక్షణాలు ఉన్నాయా లేక అపవాది లక్షణాలు ఉన్నాయా?? అని.*

మనము దేవుని పనికి నిలబడాలి కానీ అడ్డుగా నిలవకూడదు...

*దేవునికి వ్యతిరేకంగా నిలబడిన ఇష్బోషెతు గారు అతి దారుణంగా చంపబడ్డాడు*

(2సమూ 4:4-8)

*అపవాది చేతిలో కీలు బొమ్మలా మారితే మనము కూడా దారుణంగా మరణించాల్సి వస్తుంది.*

మరణము అనగా నరకము.

*ప్రభువే స్వయముగా చెప్పారు*

*ఆటంకపరచు వారికి శ్రమ అని.*

Luke(లూకా సువార్త) 17:1,2

ఆయన తన శిష్యులతో ఇట్లనెను అభ్యంతరములు రాకపోవుట అసాధ్యముకాని అవి ఎవనివలన వచ్చునో వానికి శ్రమ. 

2.వాడీ చిన్నవారిలో ఒకనికి అభ్యంతరము కలుగజేయుటకంటె వాని మెడకు తిరు గటిరాయి కట్టబడి సముద్రములో పడద్రోయబడుట వానికి మేలు. 

*ప్లీజ్ ఎవరూ అపవాది చేతిలో, మనుస్యుల చేతిలో, అధికారుల చేతిలో కీలు బొమ్మలుగా మారి దేవునికి, ఆయన పనికి అడ్డుగా నిలవకండి.....*

దేవుని రాకడ అతి సమీపముగా ఉంది.

జాగ్రత్తగా లేకపోతే రాకడలో ఎత్తబడుట కష్టము.

*మనము దేవుని చేతిలో బాణములుగా ఉండాలి కానీ అపవాది చేతిలో కాదు...*

మన బ్రతుకైనా, చావైనా క్రీస్తు కోసమే!!!!!

*మన బ్రతుకు ద్వారా మన దేవునికి, ఆయన పనికి యుగాయుగములు మహిమ కలుగును గాక!!*

*మరనాత= యేసుప్రభువు త్వరగా వచ్చుచ్చున్నాడు.*

1కోరింది 16:22.

*ప్రభువైన యేసూ రమ్ము..*

ప్రకటన 22:20.