భాషలు ఎలా ఉద్భవించినవి?

భాషలు ఎలా ఉద్భవించినవి?

🎯🎯🎯🎯🎯🎯🎯🎯🎯🎯

ప్రపంచములో గల మొత్తము భాషలు 6,528.

ఇందులో 1,964 లిపి కలిగినవి; 4,564 లిపి లేనివి 

మన భారత దేశంలోనే 1,652 భాషలు మాట్లాడేవారు ఉన్నారు! వీటిలో 22 భాషలకు మాత్రమే లిపి ఉన్నది! 18 భాషలను మాత్రమే అధికార భాషలుగా గుర్తించారు!అసలు ఇన్ని భాషలు మరి ఎలా పుట్టినవో మీకు తెలుసా?

🌠🌠🌠🌠🌠🌠🌠🌠

ఇన్ని భాషలు ఎలా పుట్టినవంటే - ఆదియందు దేవుడు ఆదాము, హవ్వలను సృష్టించి; “మీరు ఫలించి, అభివృద్ధి పొంది, విస్తరించి, భూమిని నిండించి, దానిని లోపరచుకొనుడి” (ఆది 1:27,28) అని చెప్పాడు. అయితే మానవులు విస్తరించి నప్పుడు, అప్పటి వరకు భూమియందంతట ఒక్క భాషయు, ఒక్క పలుకును ఉన్న వారు - "మనము భూమియందంతట చెదరిపోకుండా ఒక పట్టణమును, ఆకాశము నంటుకొను ఒక గోపురమును కట్టుకొని పేరు సంపాదించుకొందము రండి” (ఆది 11:4) అని అనుకొనిరి! 

అప్పుడే ఇప్పటిలాగ వంద అంతస్థుల వంటి కట్టడాలు కట్టడానికి సిద్ధపడ్డారు! అయితే అది మానవుని ఆరోగ్యమునకు, జీవన విధానమునకు మంచిది కాదని; అంతేకాక మంచి సమశీతల వాతావరణం లేని స్థితి, నీటి కొరత వంటివి ఏర్పడ తాయని ముందే ఎరిగిన దేవుడు తానే దిగి వచ్చి, వారి భాషలు తారుమారు చేసెను. 

“అప్పుడు యెహోవా - ఇదిగో జనము ఒక్కటే; వారికందరికి భాష ఒక్కటే; వారు ఈ పని ఆరంభించియున్నారు. ఇకమీదట వారు చేయదలచు ఏ పని యైనను చేయకుండ వారికి ఆటంకమేమియు నుండదు. గనుక మనము దిగిపోయి వారిలో ఒకని మాట ఒకనికి తెలియకుండ అక్కడ వారి భాషను తారుమారు చేయుదము రండని అనుకొనెను. ఆలాగు యెహోవా అక్కడ నుండి భూమి యందంతట వారిని చెదరగొట్టెను గనుక వారు ఆ పట్టణమును కట్టుట మానిరి. దానికి బాబెలు అను పేరు పెట్టిరి; ఎందుకనగా అక్కడ యెహోవా భూజనులందరి భాషను తారుమారు చేసెను. అక్కడ నుండి యెహోవా భూమియందంతట వారిని చెదరగొట్టెను (ఆది 11:6-9). ఆ రీతిగా ఇన్ని భాషలు ఉద్భవించెను.