ఒక పాస్టర్ గారు అడిగిన ""వింతైన ప్రశ్నలు

*ఒక పాస్టర్ గారు అడిగిన ""వింతైన ప్రశ్నలు""....*

ఒక పాస్టర్ గారు తమ సంఘంలో జరుగుతున్న మీటింగ్స్ కి ఒక సేవకుణ్ణి వాక్యం చెప్పడానికి పిలిచారు.

*ఆ మీటింగ్స్ కి ఇంచుమించు 150 మంది వచ్చారు.*

ఆ సేవకుడు వాక్యాన్ని  బోధిస్తూ సంఘస్థులను *మీరు ఎప్పటి నుంచి మందిరానికి వస్తున్నారు, ఎంతకాలం నుంచి దేవుణ్ణి నమ్ముకుంటున్నారు అని ప్రశ్న అడిగాడు*

అందుకు ఆ సంఘస్తులు అందరూ ఇంచుమించు 10 సంవత్సరాల నుండి దేవునిలో ఉన్నాము, మందిరానికి వస్తున్నాము అని చెప్పారు.

*ఆ సేవకుడు దేవుని మందిరం కోసం వాక్యాన్ని బోధిస్తూ, దేవుని మందిరం అనగా దేవుని ఇల్లు*

 అలానే 

దేవుని మందిరం అనగా మనందరికి కూడా ఇల్లు

*మీరు దేవుని ఇంటికి, మీ ఇంటికి (మందిరం) ఇంచుమించు 10 సంవత్సరాల నుంచి వస్తున్నారు చాలా మంచిది*

మిమ్మల్ని కొన్ని ప్రశ్నలు అడుగుతాను సమాధానం చెప్పండి అని అడిగాడు.

*సంఘస్థులందరు సమాధానము చెబుతామన్నారు.*

*మొదటి ప్రశ్న::*

*మీలో ఎంతమందికి చర్చిలో ఉన్న ఫ్యాన్ స్విచ్ లు తెలుసు? అనగా  ఏ స్విచ్ వేస్తే ఏ ఫ్యాన్ తిరుగుతుందో ఎంతమంది కి తెలుసు??*

ఆ ప్రశ్నకు జవాబుగా ఐదుగురు చేతులు పైకి ఎత్తారు మాకు తెలుసు అని.

*రెండవ ప్రశ్న::*

  ఈ 10 సంవత్సరాలలో కనీసం ఒక్కసారైనా మందిరాన్ని తుడిచిన వారు ఎంతమంది???

*ఈ ప్రశ్నకు 10మంది చేతులు ఎత్తారు మేము తుడిచాము అని.*

*మూడవ ప్రశ్న::*

ఈ 10 సంవత్సరాలలో ఎంతమంది మందిరంలో కుర్చీలు, తివాచీలు, బరకములు వేశారు మరియు తీశారు???

*ఈ ప్రశ్నకు ఏడుగురు చేతులు ఎత్తారు.*

*నాల్గవ ప్రశ్న::*

ఈ 10 సంవత్సరాలలో దేవుని మందిరాన్ని ఎంతమంది కడిగారు???

*ఈ ప్రశ్నకు ఆరుగురు మాత్రమే చేతులు పైకి ఎత్తారు మేము కడిగాము అని...*

అప్పుడు ఆ సేవకుడు ప్రియ దేవుని సంఘమా!!!

*ఇక్కడఇంచుమించు 150 మంది ఉన్నారు, మీరందరూ 10 సంవత్సరాల నుంచి మందిరానికి వస్తున్నారు*

కానీ ఫ్యాన్ స్విచ్ లు కోసం కేవలం 5గురుకి,

*మందిరాన్ని కనీసం ఒక్కసారైనా తుడిచినవారు 10మంది,*

మందిరంలో కుర్చీలు, బరకాలు, తివాచీలు వేసి తీసినవారు 7గురు,

మందిరాన్ని కడిగినవారు 6గురు మాత్రమే వున్నారు.

*మరి మిగిలినవారు????*

*మీరు నివాసము ఉంటున్న మీ స్వంత గృహాలలో  10 సంవత్సరాల నుండి నివాసము ఉంటే ఆ ఇంటిలో ఏది ఎక్కడ ఉంటుందో తెలియకుండా ఉంటుందా?*

ఆ గృహాన్ని శుభ్రం చేసుకోకుండా ఉంటారా?

కడుక్కోకుండా ఉంటారా???

*మీ ఇంటిని ఎంతో చక్కగా, బాధ్యతగా చేసుకుంటారు కదా!*

 మరి మన దేవాది దేవుని మందిరం ఇంకెంత బాగా చూసుకోవాలి???

*దేవుని మందిరానికి ఏదో వచ్చి వెళ్లిపోయేవారముగా ఉండకూడదు.* అలా ఉంటే ఎన్ని సంవత్సరాల నుండి మందిరానికి వచ్చిన ఏమి తెలియవు మనకు...

*మీకు ఒక మాట!!*

*ఆనాడు యేసుప్రభువు గారి కాలంలో కొన్ని వేల మంది ప్రభువు చుట్టూ తిరిగారు, మేలులు పొందుకున్నారు, వెళ్లిపోయారు* కానీ ప్రభుని అంటుపెట్టుకుని ఉంది కేవలం 12 మంది శిష్యులే

*కాబట్టే 5రొట్టెలు 2చేపలు 5వేల మందికి పంచిపెట్టినప్పుడు  తిన్న వారికి కొద్ది ఆహారమే (కడుపు నిండినంత మాత్రమే)*

 కానీ వడ్డించి, పంచిపెట్టి, ఎత్తినవారికి (శ్రమ పడి పరిచర్య చేసిన వారికి) గంపలు నిండా మిగిలాయి

*(12 మందికి 12 గంపలు మిగిలాయి)*

(మత్తయి 14:15-20)

*కష్టపడిన వారికే ప్రతిఫలం ఎక్కువ, దీవెన ఎక్కువ, పరలోకంలో అంతస్తు ఎక్కువ...*

మనము కూడా శిష్యుల వలె బాధ్యతగా ఉండాలి.

దేవుని మందిరాన్ని చాలా జాగ్రత్తగా చూసుకోవాలి.

*ప్రార్ధన సమయానికి ముందే వచ్చి మందిరాన్ని తుడిచి కుర్చీలు వేసి అన్ని సిద్ధపర్చాలి, ప్రార్ధన అయ్యాక అన్నీ శుభ్రము చేసి వెళ్ళాలి...*

*దేవుడు నివసించే మందిరంలో కష్టపడటం అనేది ఎంత గొప్ప ధన్యత...*

*ఇప్పుడు భూలోకంలో దేవుని మందిరాన్ని ప్రేమిస్తే రేపు పరలోకంలో ఉన్న దేవుని మందిరంలో సంతోషముగా వుండే ధన్యత దొరుకుతుంది* అని ఆ సేవకుడు తన ప్రసంగాన్ని ముగించాడు....

*ఓ ప్రియ చదువరీ!!!*

మరి నువ్వేటువంటి వానిగా వున్నావు???

*ఇవే ప్రశ్నలు నిన్ను అడిగితే నీ దగ్గర నుండి ఎటువంటి జవాబు వస్తుంది???*

*నీ విశ్వాస జీవితం ప్రారంభించాక ఒక్కసారైనా దేవుని మందిరాన్ని తుడిచావా?*

దేవుని మందిరాన్ని కడిగావా?

*మందిరంలో కుర్చీలు, తివాచీలు, బరకాలు వేసావా?*

సౌండ్ సిస్టం ఆపరేట్ చేశావా???

*సమయానికి ముందే ఒక్కసారైనా దేవుని మందిరానికి వెళ్ళావా??*

దేవుని మందిరంలో కష్టపడే వానిగా వుంటున్నావా? లేక *దర్జాగా వెళ్లి కూర్చుని వచ్చే వానిగా వుంటున్నావా??*

ఆలోచించు...

*ప్రభువే భూలోకంలో పరిచర్య చేసాడు మరి మనము???* (మత్తయి 20:28)

*ప్రభువు తన సంఘం కోసము అనగా నీకోసం, నాకోసం తన రక్తాన్ని కార్చి ప్రాణమే పెట్టేసారు*

మరి అటువంటి  దేవుని కొరకు మనము ఇంకెంత కష్టపడాలి???

*ఇప్పటి నుండైన కష్టపడే క్రైస్తవులుగా, సంఘస్థులముగా ఉందాము....*

ఆయన రాకడ అతి సమీపముగా ఉన్నది కాబట్టి బాధ్యత కలిగి ఉండి ఆయన రాకడలో ఎగిరివెళ్లిపోదాము.

*మన దేవాది దేవునికే మహిమ కలుగును గాక!!!!*👏👏👏

ప్రకటన 2:23

*మీలో ప్రతివానికి వాని వాని క్రియల చొప్పున ప్రతిఫలము ఇచ్చెదను..*.

కీర్తనలు 128:2

*నిశ్చయముగా నీవు నీ చేతుల కష్టార్జితము ననుభవించెదవు నీవు ధన్యుడవు నీకు మేలు కలుగును.*