జ్యేష్ఠుల సంఘము

*||| జ్యేష్ఠుల సంఘము |||*

 హెబ్రీ. 12:23 

*జ్యేష్ఠుడున్నాడని*

*అనడముతోడనే కనిష్ఠుడున్నాడని మనసుకి తట్టకమానదు.*

జ్యేష్ఠుల సంఘము అని హెబ్రీయుల పత్రికలో చదవగానే కనిష్ఠ సంఘము ఉన్నదని

తట్టకమానదు. 

*జ్యేష్ఠుడనగా మొదటి కుమారుడు,* కనిష్ఠుడనగా కడవరి

కుమారుడు.

*ఇక్కడ జ్యేష్ఠుల సంఘమనగా నూతన యెరూషలేములో*

*ఉండే పెండ్లికుమార్తె సంఘము అని ఊహింపవచ్చును.*

పూర్వము యూదుల కుటుంబములో జ్యేష్ఠుడు ప్రభువు సేవకు ప్రత్యేకింపబడినవాడు.

*తక్కిన కుమారులు తండ్రియొక్క కుటుంబములోని వారుకారు అని చెప్పకూడదు.*

*జ్యేష్ఠులు జ్యేష్ఠులే. మీరు* *పరలోకమున పన్నెండు మంది,*

*పండ్రెండు సింహాసనములమీద కూర్చుందురని ప్రభువు చెప్పలేదా?* (మత్త. 19:28) 

*దీనినిబట్టి చూడగా కొందరూ సింహాసనములమీద*

*నుందురనియు, కొందరు పరలోక రాజ్యవాసులైనను సింహాసనముల మీద నుండరనియు కనబడుచున్నదిగదా?*

అంతస్థుల భేదముకలదు.

అందరును సంతోషమే అనుభవింతురు. ప్రభువు శిష్యులు పన్నిద్దరు.

*1.రూపాంతరమప్పుడును (మత్త. 17:1-8)*

2.యాయీరు ఇంటిలోనికి

వెళ్ళినప్పుడు (లూకా. 8:51) 

*3.గెత్సేమనె తోటకు వెళ్ళినప్పుడు (మార్కు 14:33)*

 ప్రభువు, పేతురు, యాకోబు, యోహానులను మాత్రమే

తీసికొని వెళ్ళాను. 

*ఆత్మీయరీతిగా వీరు పన్నిద్దరిలో జ్యేష్ఠులేకదా?*

ఇది అంతస్థుల తేడ.

 *అబ్రాహామునకు విశ్వాసులకు తండ్రి అను బిరుదు కలదు* (రోమా. 4:11).

 అబ్రాహాము వేరు తక్కిన విశ్వాసులు వేరు.

 *ఉభయులును విశ్వాసులే! అయినను తేడా గలదు.*

విశ్వాసులందరు విశ్వాసుల తండ్రియని బిరుదు పొందలేదు.

*విశ్వాసులు కృపను అల్పముగా* నెంచుటగాని, దేవుడు విశ్వాసులలో

కొందరియెడల పక్షపాతము కనబరచుటగాని, ఈ వంశములోలేదు.

*అంతస్థునుబట్టి సంకల్పన అబ్రాహాము తన కుమారుని బలి ఇచ్చుటకు పర్వత శిఖరము ఎక్కినప్పుడు సంహార యత్నములో అతని హృదయమున అదివరకున్న విశ్వాసముకూడ శిఖరమెక్కెను.*

వట్టినేలమీద నుండి జలప్రళయమందు తేలితేలి నావ అరారాతు

కొండనెక్కిన సంగతి ఇక్కడ జ్ఞాపకమునకు వచ్చుచున్నది.

*క్రైస్తవ సంఘము కూడ ఈలోక శ్రమలలో తేలితేలి అబ్రాహాము కొండకును,*

నోవహు కొండకును మించిపోయెను. 

*ఇంక ఎత్తుననున్న మహిమ*

*మేఘమునకు వెళ్ళవలసిన సంగతికూడ జ్ఞాపకమునకు వచ్చుచున్నది.*

విశ్వాస విషయములో నోవహు, అబ్రాహామును ఉన్నత స్థితి గలవారని కనబడుచున్నది. 

*అట్లే మహౌన్నత స్థితిగలవారందరు నూతన యెరూషలేము వాస్తవ్యులౌదురు.* హనోకు, ఏలియా విశ్వాసము

వల్లనేగదా ఆరోహణమైరి? 

*అట్లే రేపు క్రైస్తవ సంఘమును విశ్వాసమువల్ల ఆరోహణమగును.* ఆరోహణము కాకుండ 

మృతులై పరలోకమునకు వెళ్ళనివారికి విశ్వాసములేదు? ఉన్నదిగాని ఆరోహణము కాలేదు. ఇదియే తేడ. 

*భక్తులందరు అంతస్థులో తేడా ఉన్నదని కనబరచుటకు యీ కథలు పేర్కొనబడినవి.*

*పండ్రెండు గోత్రములున్నవిగదా?* ప్రభువు జన్మగోత్రముగా యూదా గోత్రమేఎన్నుకొనబడెను. 

*ఆ గోత్రములో అనేక వంశములున్నవిగాని దావీదు వంశము ఎన్నుకొనబడెను.*  భక్తుల యొక్క జీవిత చరిత్ర అంతటిలో ఇట్టి అంతస్థులు కనబడుచున్నవి.

*దేనారములు, మీనాలు*

(లూకా.19:13-25) 

*ఉపమానములయందు ఏమి యున్నది?* వారి వారి

వర్తక ఫలితములలో తేడా కనబడుచున్నది

 (ఎందుకంటే వారివారి సమర్ధతలో తేడ ఉన్నది)

*గనుక, మరియు వారికి ఇవ్వబడిన బహుమానములోకూడ తేడ గలదు.*

పది పట్టణములమీదను, ఐదు

పట్టణముల మీదనుగల అధికారములలో తేడ గలదుకదా!

*నక్షత్రములలో ఆ నక్షత్రము మహిమ వేరు, ఈ నక్షత్ర మహిమవేరు!*

పట్టణముల మీదనుగల అధికారములలో తేడ గలదుకదా!

(1కొరింధి. 15:41) 

*రెండు మహిమలే గాని మహిమలలో తేడ ఉన్నది?*

 

*ఆమె ఎక్కువ ప్రేమించినందువల్ల ఆమె ఎక్కువ పాపములు క్షమింపబడెను* (లూకా. 7:47) అని ప్రభువు పాపాత్మురాలైన స్త్రీనిన గూర్చిన విషయములో చెప్పెనుగదా?

 (ప్రకటన 3:21) లో ఏడు సంఘములను గూర్చిన చరిత్రలోని తేడ గుర్తించదగినది ఏలాగనగా,

లవొదికయ సంఘములోని జయశీలులు ప్రభువు సింహాసనము మీద ఉందురని వ్రాయబడియున్నది.

*ప్రియ చదువరీ!!!*

*భువిలో మనము ఎక్కువగా దేవుని కొరకు శ్రమిస్తే, ఆయన పని బహుగా చేస్తే, మన విశ్వాసాన్ని పర్వతాన్ని ఎక్కిస్తే, ప్రతి దినము ఏకాంతముగా ప్రభు సన్నిధిలో కనిపెడితే మనము కూడా పరలోకంలో జ్యేష్ఠులముగా ఉండగలము...*

ప్రభువు జనులను శిష్యులనుగా చేయండి అని తన శిష్యులకు ఆజ్ఞ ఇచ్చారు.

*శిష్యులు అంటే ఆయనను వెంబడించేవారు, ఆయనను లోకానికి చూపించేవారు  ఆయనను తమ జీవితములో లోకస్థులకు కనుపరుచువారు....*

జ్యేష్ఠులముగా ఉండు భాగ్యమును, ఆయన రాకడకు ఎత్తబడు మహా భాగ్యమును మన అద్వితీయ దేవుడు మనకు దయచేయును గాక!!!👏

ఈ వర్తమానము::

*ముంగమూరి దేవదాసు అయ్యగారు వ్రాసిన ""మహిమ వార్తవళి"" అను పుస్తకము లోనిది...*

పేజీ 39 నుంచి 41 వరకు.