సామెతలు

❇️—— సామెతలు ——❇️

క్లుప్త ధ్యానములు ( Part: 7)

జ్ఞానము వీధులలో కేకలు వేయుచున్నది సంతవీధులలో బిగ్గరగా పలుకుచున్నది. గొప్ప సందడిగల స్థలములలో ప్రకటన చేయు చున్నది పురద్వారములలోను పట్టణములోను జ్ఞానము ప్రచురించుచు తెలియజేయుచున్నది. ఎట్లనగా, జ్ఞానములేనివారలారా, మీరెన్నాళ్లు జ్ఞానములేనివారుగా ఉండగోరుదురు? అపహాసకులారా, మీరెన్నాళ్లు అపహాస్యము చేయుచు  ఆనందింతురు? బుద్ధిహీనులారా, మీరెన్నాళ్లు జ్ఞానమును అసహ్యించు  కొందురు? 

           సామెతలు 1: 20-22

♻️ ప్రతీ మనిషిని ప్రధానముగా రెండు స్వరాలు పిలుస్తున్నాయి. 

1️⃣ జ్ఞానము 

2️⃣ మూర్ఖత్వము 

♻️ ఈ రెండు పిలుపులలో దేనికి మనము విధేయత చూపుతామో? అవి మనకు రెండు విషయాలను నిర్ణయిస్తాయి

1️⃣ ఈ లోకంలో మన జీవితవిధానం 

2️⃣ శాశ్వతలోకంలో మన స్థితి

♻️జ్ఞానము అంటే?

▫️దేవుని వాక్యం 

*జ్ఞానమను నేను* చాతుర్యమును నాకు నివాసముగా చేసికొనియున్నాను. (సామె 8:12)

♻️మూర్ఖత్వము అంటే?

▫️మనుష్యుల చెడ్డ సలహా 

బుద్ధిహీనత అనునది బొబ్బలు పెట్టునది అది కాముకురాలు దానికేమియు తెలివిలేదు. సామె 9:13

అందుకే, దుష్టుల ఆలోచన (సలహా) చొప్పున నడువకూడదు. (కీర్తనలు 1:1 )

బైబిల్ అంతటా జ్ఞాన స్వరం వినిపిస్తూనే వుంది. బైబిల్ ఎక్కడకి వెళ్లిందో, ఎక్కడెక్కడైతే దేవుడు మనుష్యులతో మాట్లాడుతున్నారో అన్నిచోట్లా కూడా ఈ స్వరం వినబడుతూనే వుంది. ఈ జ్ఞాన స్వరం వినడం యిష్టంలేక వారి అజ్ఞానాన్ని ( మూర్ఖత్వాన్ని) బయటపెట్టుకొంటున్నారు. మూర్ఖులు తమ బుద్ధిహీనతనే అంటిపెట్టుకొని, జ్ఞానాన్ని వెక్కిరిస్తూ, వివేకాన్ని తిరస్కరిస్తూ, అందులోనే సంతోషిస్తూ ఉండడం నిజంగా విపరీతమైన విషయం. 

చివరిగా ఒక్క విషయం!

👉జ్ఞాన స్వరానికి లోబడితే? ఈలోకంలో క్రమమైన జీవితవిధానం, శాశ్వత లోకంలో నిత్యజీవం పొందగలము. 

👉జ్ఞాన స్వరాన్ని తిరస్కరిస్తే? ఈలోకంలో అక్రమమైన జీవితవిధానం, తాను అపహాస్యం చేస్తూ, అపహాస్యం పాలవుతాడు. చివరికి, శాశ్వతలోకంలో నిత్యమరణమే శరణ్యమవుతుంది. 

వద్దు! అది అత్యంత భయంకరం! జ్ఞాన స్వరానికి లోబడి, నిత్యజీవానికి స్వతంత్రులవుదాం! అట్టి కృప, ధన్యత దేవుడు మనకు అనుగ్రహించును గాక! ఆమెన్!  ఆమెన్!  ఆమెన్!