అపోస్తలుల బోధ...

✳ *అపోస్తలుల బోధ.....✍* 

*" ఏలాగనగా మొదట ఒక గుడారమేర్పరచబడెను. అందులో దీపస్తంభమును, బల్లయు, దానిమీద ఉంచబడిన రొట్టెలును ఉండెను, దానికి లపరిశుద్ధస్థలమని పేరు. రెండవ తెరకు ఆవల అతిపరిశుద్ధస్థలమను గుడారముండెను. అందులో సువర్ణధూపార్తియు, అంతటను బంగారురేకులతో తాపబడిన నిబంధనమందసమును ఉండెను. ఆ మందసములో మన్నాగల బంగారు పాత్రయు, చిగిరించిన అహరోను చేతికఱ్ఱయు, నిబంధన పలకలును ఉండెను. దానిపైని కరుణాపీఠమును కమ్ముకొనుచున్న మహిమగల కెరూబులుండెను. వీటినిగూర్చి యిప్పుడు వివరముగా చెప్ప వల్లపడదు."*

(హెబ్రీయులకు 9:2-5 )

👉భక్తుడు హేబ్రియులకు ఒక పత్రిక వ్రాస్తూ....9వ అధ్యాయంలో పాతనిబంధన కాలంలోని మందిర సేవా నియమమును అలాగే అలనాటి ప్రత్యేక్షపుగుడారములోని ముక్య వస్తువులను గురించి వివరించెను.

అలాగే. . . . నిర్గమకాండము 25 నుండి 27 వ అధ్యాయం వరకు అలనాటి ప్రత్యేక్షపుగుడారములోని ముక్య వస్తువులను గురించి క్లుప్తంగా వాక్యం మనకు వివరిస్తుంది.

🔺ఆ వస్తువులు ఏమనగా. . . .

▪బలిఫిఠము,

▪ గంగాళము, 

▪దీపస్తంభము, 

▪బల్ల,

▪ ధూపవేధిక,

▪మందసము అందులో పదిఆజ్ఞలుగల రెండు రాతి పలకలు, మన్నాగల బంగారు పాత్ర, చిగురించిన ఆహారోను కర్ర.

ఇవే అలనాటి ప్రత్యేక్షపుగుడారములోని ముక్య వస్తువులు.

నా ప్రియ స్నేహితులారా. . . . గమనించండి.

వాక్యం ఇలాగు చెబుతుంది....

 *"ధర్మశాస్త్రము రాబోవుచున్న మేలుల ఛాయగలదియే గాని ఆ వస్తువుల నిజరూపము కాదు"* అని. 

👉అవును....

🔺అలనాడు మందిరములో వాడిన ప్రతి వస్తువుకి ఒక అర్ధం, నిజస్వరూపం ఉంది.

🔹 బలిఫిఠము....

*పచ్చాత్తపానికి, పాపక్షమాపణకు సాదృశ్యం.*

🔹 గంగాళము....

 *మారుమనస్సు, శుధీకరణ, బాప్తిసము, నూతన జన్మకు సాదృశ్యం.*

🔹దీపస్తంభము....

*సంపుర్ణమైన ఆత్మ నింపుదలకు సాదృశ్యం.*

🔹ధూపవేధిక....

 *యదార్ధమైన ప్రార్ధనకు సాదృశ్యం.*

🔹మందసములోని రాతి పలకలు.... 

*తండ్రియైన దేవునికి సాదృశ్యం.*

🔹మన్నాగల బంగారు పాత్ర.... 

*కుమారుడైన దేవునికి సాదృశ్యం.*

🔹చిగురించిన ఆహారోను కర్ర.... 

*పరిశుద్ధాత్మ దేవునికి సాదృశ్యం.*

🔹కరుణాఫిఠము.... 

*దేవుని సింహాసనానికి, త్రియేక దేవుని ప్రత్యక్షతకు సాదృశ్యం.*

👉 ఇది ఆనాడు దేవుడు ఏర్పరచిన పరిశుద్ధమందిర క్రమము. . . .

👉మన నేటికాలపు పరిశుద్ధమందిరాలలోకూడా ఇవి అన్ని తప్పక ఉండాలి. . . .

👉 అంటే ఈ వస్తువులు ఉండాలి అని కాదు ఈ మందిరపు సాదృశ్యం లక్షణాలు ఉండాలి అని.

👉మీరు చదువుతూ ఒక విషయాన్నీ గమనించారో లేదో. . . . 

👉నేను ఒక వస్తువును దాటవేశాను. . . .

👉అదే 

 *సన్నిధి రొట్టెల బల్ల*

 ఈ రోజు మన ద్యానించే అంశం ఇదే.

👉 *" సన్నిధి రొట్టెల బల్ల "* దేనికి సాదృశ్యం ?

( నిర్గమ 25:30) లో దేవుడు నిత్యము ఈ సన్నిధి రొట్టెలు ఈ బల్లపై ఉండాలి అని మోషేతో అజ్ఞానాపించాడు.

మిగిలిన అన్ని వస్తువులవాలే

 🔺ఈ *" సన్నిధి రొట్టెల బల్ల "* మందిరములో ప్రధానమైన వస్తువు. 

👉ఇది మందిరములో తప్పక ఉండాలి అని మోషేతో దేవుడు అజ్ఞాపించారు.

మరి.... ఈ 

👉 *" సన్నిధి రొట్టెల బల్ల "* దేనికి సాదృశ్యం ?

గమనించండి.... 

👉ఈ సన్నిధి రొట్టెల బల్లపై రెండు వరుసలుగా రొట్టెలు పేర్చి ఉంటాయి. ఒక్కొక వరుసలో 6 రొట్టెల చొప్పున *మొత్తము 12 రొట్టెలు ఉంటాయి.*

 ( లేవి 24:6).

👉ఈ 12 రొట్టెలే ఎందుకు ? యేసు తనే స్వయంగా కొందరిని తన శిష్యులనుగా ఏర్పరచెను వారిలో ఇస్కారియోతు యూదా తన దారి తప్పిపోయి తన ప్రాణాలు తనే తీసుకున్నాడు అటుతరువాత మిగిలిన అపోస్తలులు చిట్లు వేసి 12వ అపోస్తలుడిని ఎన్నిక చేసారు ఈ 12 మంది కలసి యేసు ప్రారంభించిన పరిచర్యను కొనసాగించారు, 

🔺సువార్త ప్రకటించారు, బోధించారు.... వీరి బోధనా సిధంథాన్ని

*అపోస్తలుల బోధ*

 అని పిలుస్తారు.

అవును. . . . 

👉ఈ సన్నిధి రొట్టెల బల్ల, దాని మీదవున్న 12 రొట్టెలు.... 12 అపోస్తలుల బోధకి సాదృశ్యం.

ఏంత అద్భుతమో ఒక్కసారి చూడండి.... 

👉ఈ సన్నిది రొట్టెల బల్లపై ఉండవలసిన 12 రొట్టెలు ఒకే కొలతలలో ఉండలి అని వ్రాయబడింది. (లేవి 24:5). 

👉అలాగే.... ఈ అపోస్తలులు ఉండటానికి 12 మంది ఉన్నా వారి బోధ మాత్రం ఒకే కొలతలో, ఒకేలా ఉంది; అందుకే వారి బోధను విడదీయకుండా కలిపి *"అపోస్తలుల బోధ"* గా పిలిచారు. 

*ఒకే మాట, ఒకే బోధ.*

👉మన నేటికాలపు పరిశుద్ధమందిరాలలో కూడా ఈ *"అపోస్తలుల బోధ"* తప్పక ఉండాలి. ఒకే మాట, ఒకే బోధ. 

👉ఈ అపోస్తలుల బోధ ద్వారా కట్టబడ్డయి కనుకే ఆ ఆదిమకాలపు యెరూషలేము, అంతియోకయా మరియు మిగిలిన సంఘాలు అద్భుతాలు చేశాయి, అద్భుతాలుగా నిలచిపోయాయి. ( అపో.కా 2:42).

👉ఈ *"అపోస్తలుల బోధ"* మనిషిని బట్టి మారిపోదు.

👉ఈ *"అపోస్తలుల బోధ"* సంఘాన్ని బట్టి మారిపోదు.

🔺కానీ నేడు సువార్త పరిచర్యలో లక్షలకొద్ది పధతులు, 

🔺వేలకొద్ది మార్గాలు.

🔺ప్రతి సంఘానిది ఒక్కొక్క బోధ. . . .

🔺ఒకరు మాదే పరలోకం ఇచ్చి సంఘం అంటారు.

🔺ఒకరు మాదే నిజమైన సంఘం అంటారు.

🔺ఒకరు మందిరంలోనే విగ్రహారాధన చేస్తూ, bible లోని మనుషులను ఆరాధిస్తూ ఉంటారు.

........

మంచిది. . . . 

👉 *వీటిలో అపోస్తలుల బోధ ఏది ?*

👉ముందు నాకు అపోస్తలుల బోధ అంటే ఏంటి అనేది తెలిస్తే మిగిలిన దొంగ బోధలకు నేను దూరంగా ఉండగలను.

అపోస్తలుల బోధ గురించి bible మొత్తం తిరగేయకుండానే.... నేర్చుకోవచ్చును.

👉అపో.కా 2వ అధ్యయము.... పెంతుకోస్తను దినమున మెడ గదిలోని శిష్యులకు ఆత్మ అనుగ్రహింపబడింది ఈ క్రమంలో కొందరు శిష్యులను అపహాస్యము చేసారు. . . . అప్పుడు పేతురు లేచి ఆ జనులతో ఒక ప్రసంగం చేసాడు. 3000 మందిని మార్చిన ప్రసంగం అది, మొదటి సంఘం కట్టబడుటకు ప్రేరేపించిన ప్రసంగం అది.

"Acts 2:14-40" వరకు ఈ ప్రసంగం చాలా వివరంగా వ్రాయబడింది. *ఇక్కడే అపోస్తలుల బోధ దాగివుంది.*

👉 అపోస్తలుల బోధలో మొదటగా దేవుని ఆత్మ శక్తితో, ఆత్మ అభిషేకముతో ప్రకటింపబడుతుంది. (అపో.కా 2:1-3)

🔺 *దేవుని వాక్యం మాత్రమై ప్రకటింపబడుతుంది.*

 (అపో.కా 2:16-35).

🔺 *సిలువ వేయబడిన యేసుని, పునరుద్ధనుడైన యేసుని గురించి ప్రకటింపబడుతుంది.*

 (అపో.కా 2:22-24).

🔺 *యేసు దేవుని కుమారుడని ప్రకటింపబడుతుంది.*

 (అపో.కా 2:31-36).

🔺  *యేసే; మెసయ్య ; క్రీస్తు అని ప్రకటింపబడుతుంది.* (అపో.కా 2:22-36).

🔺 *ప్రాముఖ్యంగా యేసుక్రీస్తే దేవుడని ,ప్రభువని ప్రకటింపబడుతుంది.*

 (అపో.కా 2:36).

🔺 *పాపక్షమాపణ గురించి ప్రకటింపబడుతుంది.*

 (అపో.కా 2:38).

🔺 *మారుమనస్సు, బాప్తిసము గురించి ప్రకటింపబడుతుంది.*

 (అపో.కా 2:38).

🔺 *పరిశుద్ధాత్మఅను వరమును ఎలా పొందుకోవాలో ప్రకటింపబడుతుంది.*

 (అపో.కా 2:38).

🔺 *ఈ బోధలో అన్వయింపు కూడా ప్రకటింపబడుతుంది.* (అపో.కా 2:38-40).

♻ *ఈ బోధ ఉన్న సంఘం బలముగా కట్టబడుతుంది.* (అపో.కా 2:41).

👉నా ప్రియ స్నేహితులారా....

ఇదే అపోస్తలుల బోధనాక్రమము.

👉మీ సంఘములలో బోధనాక్రమము కూడా ఇలానే వుంటుందా ?

*నీ సమాధానం....* 

👉అవును. అయితే " నువ్వు దేవుని హస్తలలోనే ఉన్నావు. ఉచ్చహించి; ఆనందించండి"

👉నీ సమాధానం.... 

👉కాదు. అయితే *" తస్మాత్ జాగ్రత్త సుమా"*

👉" ఇప్పుడు మనకి కావలసింది క్రొత్త క్రొత్త బోధలు కాదు; 

*మనం మరచిపోయి పక్కన పెట్టిన అపోస్తలుల బోధ*

👉" ఇప్పుడు మనకి కావలసింది క్రొత్త క్రొత్త సిధంతాలు కాదు; 

*మనం మరచిపోయి పక్కన పెట్టిన అసలు దేవుని వాక్యపుసిధంతం*

👉 ఇప్పుడు మనకి కావలసింది క్రొత్త క్రొత్త సువార్తలు కాదు; 

*మనం మరచిపోయి పక్కన పెట్టిన అసలు సువార్త*

*హల్లెలూయ...*

*మన దేవుని ప్రేమయు, రక్షకుడైన యేసుక్రీస్తు కృపయు, పరిశుద్ధాత్మ సహవాసమును మీకందరికిని తోడైయుండును గాక.*

*ఆమేన్ ! ఆమేన్ !! ఆమేన్ !!!*

➖➖➖➖➖➖➖➖➖➖