ఎదురీదుట

✳ *...ఎదురీదుట...* ✳

యువతీయువకులు అనేక రకాల ఒత్తిడులకు, ఆకర్షణలకు ఇదివరకెన్నడూ లేనంతగా గురియగుచున్నారు. *మంచి చెడులను విచక్షణా సహితంగా గుర్తించలేని పరిస్థితిలో అధిక సంఖ్యాకులు ఉన్నారు.*

👉 *దేవుని అల్ప సంఖ్యాకులతో చేరాలో, అపవాది యొక్క అధిక సంఖ్యాకులలోనికి దూకాలో తెలియక అయోమయంలో వున్న స్త్రీ పురుషుల కొరకు ఈ సందేశం వ్రాయబడినది.*

*నీవు యౌవనుడవుగా ఉన్నప్పుడు ఎక్కడ నిలుచుందువో అదియే నీవు పెద్దవాడవయ్యాక నీవు కూర్చునే స్థలాన్ని నిర్ణయిస్తుంది.*

 🔹 *'శరీరాశయు'*

🔹 *'నేత్రాశయు,'*

🔹 *'జీవపుడంబము'* 

*అను బలమైన కోటగోడ లోపల అపవాది యుగాల తరబడి ప్రజలను, విశేషముగా యౌవనులను బంధించి యుంచాడు* 

(1 యోహాను 2:16). *అపవాదిని సిలువ మీద ఓడించిన యేసుక్రీస్తు నందు విశ్వాసముంచువారు వెంటనే సంపూర్తిగా విడుదల చేయబడుదురు.* 

👉అయితే అపవాది వారిని మరలా చేజిక్కించుకొనవలెనని­ వారి వెంటబడి తరుమును. వారు రాజీ పడునట్లు వాడు వారిని మభ్యపెట్టును. 

👉వారు మరలా వానికి బానిసలగునట్లు వారిని 

 *వారి తలంపులలోను,మాటలలోను వారి క్రియలలోను* దారి మళ్ళించుటకు వాని చేతనైనదంతా చేయును.

*మమ్మును శోధనలోకి తేక దుష్టుని నుండి మమ్మును తప్పించుము*

 (మత్తయి 6:13)

మత్తయి 6:13లో ఈ విధంగా ప్రార్థించమని ప్రభువైన యేసు నేర్పించారు. *''మమ్మును శోధనలోకి తేక దుష్టునినుండి (కీడునుండి) తప్పించుము''.*

👉 ప్రార్థనలో పోరాడుటద్వారానే దేవుని నిజమైన పరిశుద్ధతను పొందగలము. 

సోమరులుగా ఉండే మరియు ఆత్మీయజీవితాన్ని చులకనగా తీసుకున్న క్రైస్తవులు ఈ పరిశుద్ధతను పొందుకొనలేరు.

 *మన శరీరయిచ్ఛలను మరియు సాతానును పరిశుద్ధాత్మ శక్తితో పోరాడుటద్వారానే మనం పరిశుద్ధపరచబడగలం.* అప్పుడు మనం ఈలాగు ప్రశ్నించవచ్చు, *''మనం పరిశుద్ధత పొందుటకు సాతాను ఆటంకముగా ఉన్నట్లయితే, దేవుడు అతనిని ఎందుకు నాశనము చేయుటలేదు?''.*

👉 బంగారం అగ్నిలో పవిత్రపరచబడినట్లు, *మనంకూడా దేవుని పరిశుద్ధతలో అంతకంతకు పాలుపొంది ఆత్మీయముగా వృద్ధినిపొందునట్లు ఒకవిధంగా సాతాను అవసరం.*

👉 మన ఆత్మీయ నరములు ఈ విధంగా పోరాడుటవలన బలం పొందుతాము. లేనట్లయితే మనం క్రొవ్వుతో ఉండి, వదులు (బలహీనులము)గా ఉంటాము.

*కాబట్టి అతడు శోధనలోగుండా వెళ్లాలి. దురదృష్టవశాత్తు ఆదాము జీవవృక్షమైయున్న దేవునికి ''కాదు, వద్దు'' అని చెప్పి పాపి అయ్యాడు.*

*ప్రభువైనయేసు కూడా మనవలె అన్నివిషయములలో శోధించబడ్డాడు* (హెబ్రీ 4:15). 

👉 కాని ఆదాముకు మరియు ప్రభువుకు ఉన్న తేడా ఏమిటంటే *ఆయన ఎల్లప్పుడు దేవునికి ''అవును, ఆమేన్‌'' అని చెప్పాడు. దేవుడు కోరినట్లుగా పరిపూర్ణుడగుటకు ప్రభువైన యేసు ఆయన పొందిన శ్రమలద్వారా విధేయత నేర్చుకున్నారు.ఆయన శోధించబడి మరియు జయించారు కనుక ''ఆయన సంపూర్ణసిద్ధి''ని పొందియున్నారు* (హెబ్రీ 5:8,9). 

👉అందుకనే ప్రభువైన యేసు శిష్యులకొరకీలాగు ప్రార్థించారు, *''నీవు లోకములోనుండి వారిని తీసుకొనిపొమ్మని నేను ప్రార్థించుటలేదుగాని దుష్టునినుండి వారిని కాపాడమని ప్రార్థించుచున్నాను''* (యోహాను 17:15). 

👉 ఈ లోకంలో తన శిష్యులు ఎదుర్కొనవలసిన ఒత్తిడిలు, పరీక్షలు మరియు శోధనలు వారు ఎదుర్కొనకుండా తీసుకొనిపోబడితే వారు దేవుని పరిశుద్ధతలో పాలుపొందుట కష్టమని ప్రభువుకు తెలియును.

 *శోధనకు మరియు పాపానికి ఉన్న తేడాను మనం వివేచించాలి.* 

👉 *మనం అకస్మాత్తుగా దేనినైనా చూచి శోధించబడినట్లయితే, అది పాపముకాదు* 

 *శోధించబడుటను తప్పించుకొనలేము. కాని  మనలను శోధించేదానినుండి మన కళ్లను మరియు మన మనస్సును త్రిప్పివేసుకోవాలి.* 

👉 కాని మనం ఎల్లప్పుడు మనలను శోధించేదానినే కావాలని చూస్తూ లేక దానిగురించే ఎల్లప్పుడు ఆలోచిస్తూ ఉన్నట్లయితే మనం పాపం చేస్తాము.

ఒకరు చెప్పినట్లుగా, *''నా తలమీదుగా పక్షులు ఎగురకుండా నేను ఆపలేను, కాని అవి నా తలమీద గూడు కట్టుకొనకుండా ఆపగలను''.*

👉 శోధన రాకుండా మనం ఆపలేము (చేయలేము) కాని అది మనస్సులో గూడు కట్టుకొనకుండా చేయగలం. 

*తనను శోధించే విషయాలనుండి పారిపొమ్మని పౌలు తిమోతికి చెప్పుచున్నాడు* (2తిమోతి 2:22).

👉 దేవునినుండి దూరముగా తీసుకెళ్ళే ధనాపేక్షనుండి, కులుకులాడే స్త్రీలనుండి మొదలగు వాటినుండి దూరముగా పారిపోవాలి.

*క్రైస్తవజీవితము అనగా సాతానుతో పోరాడుట.*

 *సాతానును జయించుటకు మనలో గొప్ప ఆసక్తి, కోరిక ఉండాలి.*

 *ప్రవాహమునకు వ్యతిరేకముగా ఎదురీదుటకు మీరు సాహిసించాల్సింది ఇక్కడే.*

👉 ప్రవాహమునకు వ్యతిరేకముగా ఎదురీదుటకు జంకువారు అపవాది వలలో చిక్కుకొనుట నిశ్చయము. *కెరటాలకు వ్యతిరేకముగా ఎదురీదుట వాస్తవముగా కష్టమే కాని శక్తికి వ్యతిరేకముగా శక్తిని ఉపయోగించినప్పుడు చేకూరు సత్తువ ఎక్కువవుతుంది.*

♻ *కెరటాల­కు వ్యతిరేకముగా ఎదురీదిన వారి కథలు బైబిలులో కోకొల్లలుగా ఉన్నాయి*

1⃣ దేవుని హెచ్చరికను పరిహసించినవారికి వ్యతిరేకముగా *నోవహు ఎదురీదాడు.* 

2⃣ రహస్యముగా పాపము చేయుటయే తెలివిగలతనము అను ధోరణికి వ్యతిరేకముగా *యోసేపు ఎదురీదాడు.* 

3⃣ దేవుని నడిపింపు కంటె సమృద్ధియైన సంపద మరియు పలుకుబడి ప్రాముఖ్యమైనవను ఆలోచనకు వ్యతిరేకముగా *మోషే ఎదురీదాడు.* 

4⃣ విశ్వాసము కాదు గాని ఇంద్రియ గ్రాహ్యముతో కూడిన తెలివే విజయము అను భావమునకు వ్యతిరేకముగా *కాలేబు ఎదురీదాడు.*

5⃣ పాపిష్టియైన సుఖానుభూతులకు వ్యతిరేకముగా 

*రూతు ఎదురీదినది.*

6⃣ లంచగొండితనము మరియు అవినీతికి వ్యతిరేకముగా 

*నెహెమ్యా ఎదురీదాడు.* 

7⃣ దావీదు పగతీర్చుకొను మనస్సుకు వ్యతిరేకముగా *దావీదుఎదురీదాడు.* 

8⃣ యౌవనులైన - హనన్యా, అజర్యా మరియు మిషాయేలు- విగ్రహమును ఆరాధించు మనస్తత్వమునకు వ్యతిరేకముగా ఎదురీదారు. 

👉 నీవు కూడా భిన్నముగా ఉండుటకు భయపడకు.

👉 పాపిష్టిదైన ఈ లోకంలో

🔹 *పరిశుద్ధముగా జీవించండి.* 

🔹 *చక్కగా చదువుకొనండి.*

 🔹 *కష్టపడి పని చేయండి.* 

🔹 *పాఠ్యపుస్తక తెలివితో పాటు మంచి మర్యాదలు కూడా నేర్చుకొనండి.* 

*దేవునితో మాట్లాడండి. ఆయన చెప్పేది వినండి. మంచి నాయకులను మాదిరిగా చేసుకోండి.*

*క్రైస్తవ జీవితమంటే, ఆరంభము నుండి అంతము వరకు కూడ ప్రవాహమునకు వ్యతిరేకముగా ఎదురీదుటయే.*

👉 ఆవలి గట్టుచేరు వరకు వెళ్లుట అంత సులభం కాదు, అది అసాధ్యమూ కాదు.

( I యోహాను 2:16-17 )

*" లోకములో ఉన్నదంతయు, అనగా శరీరాశయు నేత్రాశయు జీవపుడంబమును తండ్రివలన పుట్టినవి కావు; అవి లోకసంబంధమైనవే.లోకమును దాని ఆశయు గతించిపోవుచున్నవి గాని, దేవుని చిత్తమును జరిగించువాడు నిరంతరమును నిలుచును. "* 

*హల్లెలూయ...*

*మన దేవుని ప్రేమయు, రక్షకుడైన యేసుక్రీస్తు కృపయు, పరిశుద్ధాత్మ సహవాసమును మీకందరికిని తోడైయుండును గాక.*

*ఆమేన్ ! ఆమేన్ !! ఆమేన్ !!!*