సామెతలు

——— సామెతలు ——— 

  క్లుప్త ధ్యానములు ( Part: 11)

యెహోవాయే జ్ఞానమిచ్చువాడు తెలివియు వివేచనయు ఆయన నోటనుండి వచ్చును. ఆయన యథార్థవంతులను వర్ధిల్లజేయును యుక్తమార్గము తప్పక నడుచుకొనువారికి ఆయన కేడెముగా నున్నాడు. న్యాయము తప్పిపోకుండ ఆయన కనిపెట్టును తన భక్తుల ప్రవర్తనను ఆయన కాచును. 

           సామెతలు 2: 6-8

జ్ఞానము ఎక్కడ దొరుకుతుందో అక్కడే వెదకాలి. దేవుళ్ళని చెప్పుకొనేవారు అనేకమందిగా వుండొచ్చుగాని, జీవముగలిగి, జ్ఞానమిచ్చుదేవుడు ఒక్కడే. 

♻️ యెహోవాయే జ్ఞానమిచ్చువాడు

👉 జ్ఞానశౌర్యములు ఆయనయొద్ద ఉన్నవి ఆలోచనయు వివేచనయు ఆయనకు కలవు. యోబు 12:13

👉 బుద్ధి జ్ఞానముల సర్వ సంపదలు ఆయనయందే గుప్తములైయున్నవి.

కొలస్సి 2:3

♻️ ఆయన అనుగ్రహించే జ్ఞానము:

🔹పవిత్రమైనది

🔹సమాధానకరమైనది, 

🔹మృదువైనది, 

🔹సులభముగా లోబడునది, 

🔹కనికరము తోను 

🔹మంచి ఫలములతోను నిండుకొనినది

             యాకోబు 3:17

♻️ మోసకరమైన జ్ఞానము చేత చెరపట్టబడకుండా జాగ్రత్తగా చూచుకోవాలి:

లోకసంబంధమైమ మూలపాఠముల వలన, మన పూర్వీకుల ద్వారా సంక్రమించినది జ్ఞానం కాదు. యెహోవాయందు భయభక్తులు నిలపడం ద్వారా మాత్రమే జ్ఞానం లభిస్తుంది. 

ఆయనను అనుసరింపక మనుష్యుల పారంపర్యాచారమును, అనగా ఈ లోకసంబంధమైన మూలపాఠములను అనుసరించి మోసకరమైన నిరర్థక తత్వ జ్ఞానముచేత మిమ్మును చెరపట్టుకొని పోవువాడెవడైన ఉండునేమో అని జాగ్రత్తగా ఉండుడి. ఏలయనగా దేవత్వముయొక్క సర్వపరిపూర్ణత శరీరముగా క్రీస్తునందు నివసించు చున్నది; కొలస్సి 2:8,9

♻️ ఆయన యథార్థవంతులను వర్ధిల్లజేయును యుక్తమార్గము తప్పక నడుచుకొనువారికి ఆయన కేడెముగా నున్నాడు

ఆయనే కేడెముగా వుంటే, సాతాను సంధించే ఎట్లాంటి అగ్ని బాణమైనను ఆయనను దాటుకొని, మనమీదకు రాలేదు. 

👉 యెహోవా వాక్యము అబ్రామునకు దర్శనమందు వచ్చి అబ్రామా, భయపడకుము; నేను నీకు కేడెము, నీ బహుమానము అత్యధికమగునని చెప్పెను.

                ఆది 15:1

            

👉 ఇశ్రాయేలూ, నీ భాగ్యమెంత గొప్పది యెహోవా రక్షించిన నిన్ను పోలినవాడెవడు? ఆయన నీకు సహాయకరమైన కేడెము.  ద్వితి 33:29

👉 యెహోవా, నీవే నాకు కేడెముగానునీవే నాకు అతిశయాస్పదముగాను నా తల ఎత్తువాడవుగాను ఉన్నావు. కీర్తనలు 3:3 

♻️ తన భక్తుల ప్రవర్తనను ఆయన కాచును. 

న్యాయము తప్పిపోకుండ ఆయన కనిపెట్టును తన భక్తుల ప్రవర్తనను ఆయన కాచును. ఆయన కనిపెట్టకుంటే, న్యాయాన్ని తప్పిపోతాము. ఆయన కాయకపోతే. మన ప్రవర్తనే చెడిపోతుంది. 

👉 యెహోవాను ప్రేమించువారలారా, చెడుతనమును అసహ్యించుకొనుడి తన భక్తుల ప్రాణములను ఆయన కాపాడుచున్నాడు. భక్తిహీనులచేతిలోనుండి ఆయన వారిని విడిపించును. కీర్తనలు 97:10

ఇవన్నీ ఎవరికి సాధ్యమంటే? యెహోవాయందు భయభక్తులు గలిగి, తత్ ఫలితంగా జ్ఞానాన్ని పొందుకున్నవారికి మాత్రమే. వారిలో మనమునూ వుండి, ఆయనిచ్చే నిత్యమైన ఆశీర్వాదాలను పొందుకొందము. అట్టి కృప, ధన్యత దేవుడు మనకు అనుగ్రహించును గాక! ఆమెన్! ఆమెన్! ఆమెన్!