సామెతలు

——— సామెతలు ——— 

      క్లుప్త ధ్యానములు ( Part: 13)

చీకటి త్రోవలలో నడువవలెనని యథార్థ మార్గములను విడిచిపెట్టెదరు. కీడుచేయ సంతోషించుదురు అతిమూర్ఖుల ప్రవర్తనయందు ఉల్లసించుదురు. వారు నడుచుకొను త్రోవలు వంకరవి వారు కుటిలవర్తనులు. 

            సామెతలు 2:13-15

♻️ *అజ్ఞానుల త్రోవలు అంధకారం:*

🔸చీకటి పాపమునకు సాదృశ్యం 

🔸పాపం చేసేవారు చీకటినే కోరుకుంటారు. 

🔸చీకటినే ప్రేమిస్తారు. 

🔸కారణం? చీకటిలో చేసే కార్యాలు కనిపించవుకదా అందుకు. 

🔸మనుష్యులు చూడకపోయినా దేవుడు చూస్తారు కదా? అందుకేగదా వారు దేవుడే లేదంటున్నది. 

🔸అనేకులు దేవుడున్నాడని ఒప్పుకొనినాగాని, ఆయన యందు భయభక్తులు నిలపడానికి మాత్రం ఒప్పుకోరు. 

🔸వీరు దేవునియందు భయభక్తులు లేనివారు కాబట్టి, వెలుగై యున్న దేవునిని అనుసరించరు. 

🔸అక్రమమైన జీవితాన్ని కొనసాగించడానికి, సక్రమమైన, యదార్ధమైన మార్గాన్ని విడచిపెట్టేస్తారు. 

🔸వీరి జీవితాలు గాఢాంధకారమే. 

🔸వెలుగు లోకములోనికి వచ్చెను గాని తమ క్రియలు చెడ్డవైనందున మనుష్యులు వెలుగును ప్రేమింపక చీకటినే ప్రేమించిరి.

యోహాను 3:19

🔸భక్తిహీనుల మార్గము గాఢాంధకారమయము తాము దేనిమీద పడునది వారికి తెలియదు. సామెతలు 4:19

♻️ *అజ్ఞానులు కీడుచేయ సంతోషించుదురు*

అజ్ఞానులు లేదా మూర్ఖులు లేదా భక్తిహీనులు వీరి ఆనందానికి మూలము ఏమిటంటే? 

🔹ఇతరులకు కీడు చేయడమే. 

🔹అతి మూర్ఖంగా ప్రవర్తించడంతోనే వీరి ఆనందం ముడిపడివుంది. 

🔹చెడుకార్యాలు ఎట్లా చెయ్యాలో వీరు అభ్యసిస్తారు (రోమా 1:32) 

🔹అదొక ఆటగా వారు భావిస్తారు. (సామెతలు 10:23)

🔹బుద్ధిలేనివానికి మూఢత సంతోషకరము

             సామెతలు 15:21

♻️ *అజ్ఞానుల త్రోవలు వంకరవి:*

అజ్ఞానుల త్రోవలు వంకర త్రోవలు. వారుకావాలనే వంకర త్రోవలను, అడ్డదారులను సిద్ధం చేసుకుంటారు, లంచాలు వంటి అక్రమ సంపాదన,  అన్యాయపు సిరి ఈకోవలోనికే వస్తుంది. కానీ వారిజీవితాల్లో శాంతి, సమాధానానికి చోటే ఉండదు. ఉన్నట్లు పైకి నటిస్తారు తప్ప, అంతరంగం మాత్రం, అల్లకల్లోలమైన సముద్రములా ఉంటుంది. వారి గమ్యం నిత్య నాశనం. 

🔸దోషభరితుని మార్గము మిక్కిలి వంకరమార్గము. (సామెతలు 21:8)

🔸వారు తమకొరకు వంకరత్రోవలు కల్పించుకొను చున్నారు వాటిలో నడచువాడెవడును శాంతి నొందడు. (యెషయా 59:8)

🔸తమ వంకరత్రోవలకు తొలగిపోవువారిని పాపముచేయువారితో కూడ యెహోవా కొనిపోవును (కీర్తనలు 125:5)

వద్దు! అజ్ఞానులవలే జీవించొద్దు! వారి ఆలోచనలో చేరొద్దు! వారితో సహవాసం రద్దు! యెహోవాయందు భయభక్తులుకలిగి జ్ఞానులవలే నడచుకొనుటకు మన హృదయాలను సిద్ధపరచుకొందము. అట్టి కృప, ధన్యత ప్రభువు మనకు అనుగ్రహించును గాక!ఆమెన్! ఆమెన్! ఆమెన్!