సామెతలు

❇️———సామెతలు ———❇️

    క్లుప్త ధ్యానములు ( Part: 18)

నేను జ్ఞానిని గదా అని నీవనుకొనవద్దు యెహోవాయందు భయభక్తులుగలిగి చెడుతనము విడిచి  పెట్టుము. అప్పుడు నీ దేహమునకు ఆరోగ్యమును నీ యెముకలకు సత్తువయు కలుగును. సామెతలు 3 :7,8

♻️ *నేను జ్ఞానినిగదా అని నీవనుకొనవద్దు *

చాలా మందిలోనున్న లోపం ఇదే. తమ దృష్టిలో తామే జ్ఞానులమనుకొని, దేవుని మాటలు చెవినిబెట్టరు. వారి అహంకారమే వారిని సత్యానికి దూరముగా, అజ్ఞానంలో బంధించి ఉంచుతుంది. 

🔸వీరు మూర్ఖులకంటే మూర్ఖులు 

🔸వీరికి శ్రమ 

👉 *తన దృష్టికి జ్ఞానిననుకొనువానిని చూచితివా? వానిని గుణపరచుటకంటె మూర్ఖుని గుణపరచుట సుళువు.* సామెతలు 26:12

👉 *తమ దృష్టికి తాము జ్ఞానులనియు తమ యెన్నికలో తాము బుద్ధిమంతులనియు తలంచు  కొనువారికి శ్రమ.* యెషయా 5:21

♻️ *ఈ లోక జ్ఞానము దేవుని దృష్టికి వెఱ్ఱితనము: *

🔸ఈ లోకంలో నీవు తీసుకున్న డిగ్రీలు జ్ఞానం కాదు. 

🔸ఇతరులను మోసం చెయ్యడం జ్ఞానం కాదు. 

🔸చాకచక్యంగా మాట్లాడడం జ్ఞానం కాదు

*ఎవడును తన్నుతాను మోసపరచుకొనకూడదు. మీలో ఎవడైనను ఈ లోకమందు తాను జ్ఞానినని అనుకొనిన యెడల, జ్ఞాని అగునట్టు వెఱ్ఱివాడు కావలెను. ఈ లోక జ్ఞానము దేవుని దృష్టికి వెఱ్ఱితనమే. జ్ఞానులను వారి కుయుక్తిలో ఆయన పట్టుకొనును; మరియు జ్ఞానుల యోచనలు వ్యర్థములని ప్రభువునకు తెలియును అని వ్రాయబడియున్నది.* 1 కొరింథీ 3:18-20

♻️ *నిజమైన జ్ఞానం దేవునియందలి భయభక్తులే:*

యెహోవాయందు భయభక్తులు కలిగియుండుట తెలివికి మూలము.  (సామె 1:7)

              

♻️ *దేవుని భయములేకపోతే చెడుతనము విస్తరిస్తుంది: *

అబ్రాహాము ఈ స్థలమందు దేవుని భయము ఏమాత్రమును లేదు గనుక నా భార్య నిమిత్తము నన్ను చంపుదురనుకొని చేసితిని. ఆది 20:11

♻️ *దేవునియందలి భయభక్తులే మనకు,  జీవము మరియు ఆరోగ్యము:*

🔸శారీరిక ఆరోగ్యము

🔸ఆత్మీయ ఆరోగ్యము

నా కుమారుడా, నా మాటలను ఆలకింపుము నా వాక్యములకు నీ చెవి యొగ్గుము. నీ కన్నుల యెదుటనుండి వాటిని తొలగిపోనియ్య కుము నీ హృదయమందు వాటిని భద్రముచేసికొనుము. దొరికినవారికి అవి జీవమును వారి సర్వశరీరమునకు ఆరోగ్యమును ఇచ్చును. (సామె 4:20-22)

ఇదెట్లా సాధ్యం అంటే? మన జ్ఞానమును బట్టి అతిశయించకుండా, యెహోవాయందలి భయభక్తులే నిజమైన జ్ఞానమని గుర్తెరిగి, అట్టిరీతిగా జీవించినప్పుడే సాధ్యమవుతుంది. ఆరీతిగా మన జీవితాలను సిద్ధపరచుకొందము. అట్టి కృప, ధన్యత దేవుడు మనకు అనుగ్రహించును గాక! ఆమెన్! ఆమెన్! ఆమెన్!