భక్తులు చేసిన తీర్మానాలు

*భక్తులు చేసిన తీర్మానాలు*

💠💠💠💠💠💠💠💠💠💠💠💠💠

*1️⃣.రూతు తీర్మానం - (రూతు 1:16)* 

👉 (నీ జనమే నా జనము, నీ దేవుడే నా దేవుడు అంటూ తీర్మానించుకుంది ఓ మోయాబీయురాలు. అందుకు ప్రతిఫలంగా దేవుడు ఆమెకు గొప్ప బహుమానం ఇచ్చాడు. ఏమిటది? మెస్సీయాకు ఆమె పితరురాలు అయ్యింది. ఎంత గొప్పభాగ్యమో కదా!)

*2️⃣.సమూయేలు తీర్మానం - (1 సమూ 12:23)*

👉 (ప్రార్థన చేయుదును- లేనియెడల అది నాకు పాపమగును అంటూ తీర్మానించుకున్నాడు. ఆ తర్వాత ఇశ్రాయేలీయుల చరిత్రలో తనదైన శైలిలో తన ముద్రను ఎలా వేశాడో మీరు చదివారా?) 

*3️⃣.యెహోషువ తీర్మానం - (యెహో 24:15)* 

👉 (ఇశ్రాయేలీయులు అసలే అస్థిరులు, స్థిరబుద్ధి గలవారు కారు, మూర్ఖపు ప్రవర్తన గలవారు. అలాంటివారి మధ్యలో - మీరెవరిని సేవింప కోరుకున్నను, నేనును నా యింటివారును యెహోవానే సేవిస్తాము అంటూ  తీర్మానించాడు. నా చుట్టూ ఉన్నవాళ్లందరూ అవిధేయులూ, తిరుగుబోతులూ.. వాళ్ల మధ్యలో నేను పరిశుద్ధంగా జీవించలేకపోతున్నాను అంటున్నావా? యెహోషువను చూడు)

*4️⃣.ఎస్తేరు తీర్మానం - (ఎస్తేరు 4:16)*

👉 (హామాను ద్వారా నాశనం అయ్యే పరిస్థితి రాగా ఆలస్యం చేయకుండా, అత్యవసరమైన పరిస్థితుల్లో నడుం కట్టి - నేనును నా పనికత్తెలును ఉపవాసముందుము అంటూ యూదులందరినీ తన ప్రార్థనలచే రక్షించుకున్న ధీరురాలైన వీరవనిత!) 

 *5️⃣.దావీదు తీర్మానం - (కీర్తన 132:4,5)*

👉 (ఆరాధించడానికి అవకాశం లేని పరిస్థితుల్లో దావీదు చేసిన తీర్మానం. యెహోవాకు నేనొక స్థలం చూచువరకు నా కన్నులకు నిదుర రానియ్యను. ఇదీ ఆయన చేసిన రోషం గల తీర్మానం. నీవు వెళ్లే మందిరంలో ఏముందో, ఏమి లేదో తెలుసుకొని దానికై ప్రయాస పడ్తున్నావా? లేక ప్రక్కకు తప్పుకుంటున్నావా?) 

👉 మరి ఒక విశ్వాసిగా నీ తీర్మానం ఏమిటి? ఈరోజు దేవునిలో బలమైన తీర్మానం తీసుకోలేకపోతే దేవుడు వచ్చినప్పుడు పశ్చాత్తాపపడిన ఉపయోగం ఉండదు. అందుకే సమయం ఉండగానే ఒక తీర్మానం తీసుకో. ప్రభువులో బలమైన సాధనంగా కట్టబడు. అట్టి కృప దేవుడు నీకు దయచేయును గాక......