బైబిల్ గురించి ఔరా! అనిపించే విషయాలు

📖 *బైబిల్ గురించి ఔరా! అనిపించే విషయాలు...*😱

ఆదికాండము నుండి మలాకీ వరకు గల 39 పుస్తకాలను 5 పంచకాండములుగా, 

12 చరిత్ర గ్రంధములుగా, 

5 కావ్య గ్రంధములుగా, 

17 ప్రవచన గ్రంధాలుగా విభజన చేసారు కాని వాటి కాలములని బట్టి విభజన చేయలేదు. కనుక చాల మంది బైబిలు చదువుతున్నప్పుడు కావ్య మరియు ప్రవచన గ్రంధాలు చాలా ఆలస్యముగా వ్రాసారు అనుకుంటున్నారు. కాని ఆ గ్రంధాలు వ్రాయబడినది చరిత్ర గ్రంధాలు వ్రాయబడిన సమయములోనే. హోషేయ గ్రంధము వరుస క్రమములో 28వ పుస్తకము, కాని ఆ గ్రంధము 2 రాజుల గ్రంధము వ్రాయబడిన సమయములోనే వ్రాసారు. కాబట్టి కావ్య మరియు ప్రవచన గ్రంధాలు పూర్తిగా, స్పస్టముగా అర్థము చేస్కోవాలి అంటే, అవి ఏ సంధర్బములో, ఎవరి కాలములో, ఎవరిని ఉద్దేశించి వ్రాసారో అనేది తెలుసుకోవాలి. కావ్య మరియు ప్రవచన గ్రంధాలను అర్దము చేస్కోవాలి అంటే చరిత్ర గ్రంధములను తప్పనిసరిగా చదవాలి. ఏ గ్రంధము ఏ చరిత్ర గ్రంధము సమయములో వ్రాయబడిందో చూద్దాము.

1 ) యోబు – ఆదికాండము కాలమునకు చెందినది.

2 ) కీర్తనలు – మోషే నుండి ఎజ్రా కాలము వరకు. ఇందులో దావీదు ఎక్కువ కీర్తనలు వ్రాసాడు, కాబట్టి తను ఏ సందర్బములో, ఏ పరిస్థితుల మధ్య ఆ కీర్తనలు వ్రాశాడో తెలుసుకోవాలి అంటే 1 సమూయేలు, 2 సమూయేలు గ్రంధాలను, 1 దినవృత్తాంతములు ని తప్పనిసరిగ్గా చదవాలి.

3 ) సొలోమాను వ్రాసిన గ్రంధాలు – 1 రాజులు, 2 దినవృత్తాంతములు

4 ) యెషయా – 2 రాజులు 14:23 నుండి 21:18 వరకు.

5 ) యిర్మియా, విలాపవాక్యములు, యెహెజ్కేలు, దానియేలు గ్రంధాలూ చెరలో ఉన్నప్పుడు వ్రాసారు. – 2 రాజులు 22 నుండి 25 అద్యాయముల వరకు.

6 ) హోషేయ – 2 రాజులు 15 అధ్యాయము

7 ) యోవేలు – ఇందులో భవిష్యత్తు ప్రవచనాలు ఉన్నాయి. అందులో కొన్ని నెరవేరాయి, నేరవేరుతున్నాయి కూడా. ఉదాహరణకు యోవేలు 2:28, అపో. కార్యములు 2:17. (e గ్రంధం 2 రాజులు కాలంలోనే వ్రాయబడి ఉండొచ్చు.)

8 ) ఆమోసు – 2 రాజులు 14:23 నుండి 15:17 వరకు

9 ) ఒబద్యా – ఎదోము దేశము గురించి వ్రాయబడినది, ఈ దేశం యాకోబు అన్న అయిన ఏశావు సంతతికి చెందినది. ఆ దేశం గురించి కొన్ని వచనాలు చూడండి. సంఖ్యాకాండము 20:14-21, ద్వితీయోపదేశకాండము 23:7, యేహెజ్కేలు 35:1-15, యిర్మియా 49:7-22, యెషయా 34:5-17.

10 ) యోనా – నీనెవె పట్టణము గురించి 2 రాజులు 14:25.

11 ) మీకా – 2 రాజులు 17-20 అధ్యాయాలు.

12 ) నహూము – యోనా వచ్చిన 150 సంవత్సరాలకు నహూము ప్రవక్త వచ్చి నీనెవె పట్టణం నాశనం గురించి ప్రవచించాడు. 2 రాజులు 15-19 అధ్యాయాలు చదవండి. ప్రస్తుతము నీనెవె పట్టణములో నక్కలు, పాములు, విష సర్పాలు ఉంటాయి.

13 ) హబక్కూకు – 2 రాజులు 23:36 నుండి 24:7 వరకు

14 ) హగ్గయి – చెఱ కాలము తరువాత. ఎజ్రా 1 నుండి 6 అధ్యాయాలు చదవండి.

15 ) జేకర్యా – ఎజ్రా గ్రంధము.

16 ) మలాకీ – ఎజ్రా, నెహెమ్యా గ్రంధముల సమయములో

గమనిక: ప్రవచన గ్రంధములలో అప్పటికి సంబందించిన ప్రవచానాలే కాకుండా భవిష్యత్తు గురించి కూడా ప్రవచనాలు ఉన్నాయి. అందులో కొన్ని నెరవేరాయి. నేరవేరుతున్నాయి, నేరవేరతాయి కూడా. ఆమెన్.